自從晚市禁堂食解禁，不少酒店自助餐推出減價，有港媽在facebook群組「自助餐/放題/飲食/酒店優惠情報分享」中發文，提到家中11歲女兒「勁細食」，希望網民推薦小童免費酒店自助餐，卻遭到網民瘋狂恥笑：「我都好細食，有冇免費或半價介紹？」更鬧爆：「窮鬼就唔好去食自助餐啦！」

撰文：CY｜圖片來源：facebook

港媽想帶女食免費酒店自助餐 遭網民公審：窮鬼唔好食

有港媽問家中小朋友食量好細，詢問網民兒童免費酒店自助餐推介。（圖片來源：九龍香格里拉酒店）
有港媽問家中小朋友食量好細，詢問網民兒童免費酒店自助餐推介。（圖片來源：九龍香格里拉酒店）

港媽於facebook群組「自助餐/放題/飲食/酒店優惠情報分享」中，詢問有關小童自助餐優惠。「近期，有乜自助餐，10歲下不收費。我女很細食，勁細食，但又要食自助餐。半碗飯，可以整天飽！謝各路英雄，我不想比她份錢！」

網民截下港媽貼文，並向Facebook專頁「生仔呀考牌」投稿。（圖片來源：Facebook@生仔要考牌）
網民截下港媽帖文，並向facebook專頁「生仔要考牌」投稿。（圖片來源：facebook@自助餐/放題/飲食/酒店優惠情報分享）

網民狂恥笑：「我都好細食，有冇免費或半價介紹？」

網民見到此投稿後瘋狂恥笑，甚至遭網民截圖向facebook專頁「生仔要考牌」投稿，引起一眾網民回響，齊齊笑稱：「我都勁細食，我都唔想比錢食自助餐。」又開始當潮文瘋狂改寫：「我入U都唔讀書，但又要張Cert，有冇唔收學費嘅U介紹？」

好多人都覺得自己好細食，莫非要建議酒店以後用食靚劃分自助餐價格？（圖片來源：Facebook@生仔要考牌）
好多人都覺得自己好細食，莫非要建議酒店以後用食量劃分自助餐價格？（圖片來源：facebook@生仔要考牌系列）

「邊有咁大隻蛤乸隨街跳」呢？想要免費餐，網民就建議去深水埗排免費飯盒，或者委屈囡囡扮5歲，應該都仲有機會。不過要留意，刻意瞞騙有可能觸犯法例啊！（圖片來源：Facebook@生仔要考牌）
「邊有咁大隻蛤乸隨街跳」呢？想要免費餐，網民就建議去深水埗排免費飯盒，或者委屈囡囡扮5歲，應該都仲有機會。不過要留意，刻意瞞騙有可能觸犯法例啊！（圖片來源：facebook@生仔要考牌系列）

有網民更加啜核，話應該屋企煮白飯人女兒裝，咁就可以歎「白飯放題」。（圖片來源：Facebook@生仔要考牌）
有網民更加啜核，話應該喺屋企煮白飯畀個女放題，咁就可以歎「白飯放題」。（圖片來源：facebook@生仔要考牌系列）

誰會料到港媽一篇誠心求免費餐文，竟然有成為潮文的潛力，變成「入U唔讀書版」，諗諗下又頗有道理......（圖片來源：Facebook@生仔要考牌）
誰會料到港媽一篇誠心求免費餐文，竟然成為潮文的潛力，變成「入U唔讀書版」，諗諗下又頗有道理……（圖片來源：facebook@生仔要考牌系列）

網民鬧爆：窮鬼就唔好去食自助餐啦

亦有網民看不過眼，話港媽「其實啊媽唔想畀錢的話，佢可以叫啊女喺餐廳門口等」、「好簡單，窮鬼就唔好去食自助餐啦」，不斷質疑港媽價值觀有偏差。

有網民就相當介意港媽的想法，認為重點不在免費餐，而是價值觀偏差，作為媽媽連「唔想畀個女份錢」都能夠直接說出口，真心難頂。（圖片來源：Facebook@生仔要考牌）
有網民就相當介意港媽的想法，認為重點不在免費餐，而是價值觀偏差，作為媽媽連「唔想畀個女份錢」都能夠直接說出口，真心難頂。（圖片來源：facebook@生仔要考牌系列）

GOtrip讀者都好幽默，分享經歷話覺得自己小朋友細食，就帶埋超大食表哥拉勻，如果表哥知道咗自己嘅用途，會唔會有心理陰影？（圖片來源：Facebook@GOtrip）
GOtrip讀者都好幽默，分享經歷話覺得自己小朋友細食，就帶埋超大食表哥拉勻，如果表哥知道咗自己嘅用途，會唔會有心理陰影？（圖片來源：facebook@GOtrip）

講起食量，有人就將自己同藍鯨比，應該一年365日都唔洗畀飯錢。（圖片來源：Facebook@GOtrip）
講起食量，有人就將自己同藍鯨比，應該一年365日都唔使畀飯錢。（圖片來源：facebook@GOtrip）

有TVB電視劇忠實Fans即刻諗起Vivian，話可以唔收Vivian錢。（圖片來源：Facebook@GOtrip）
有TVB電視劇忠實fans即刻諗起Vivian，話可以唔收Vivian錢。（圖片來源：facebook@GOtrip）

事主悲憤稱女兒看到喊：「這是網絡欺凌！」

事主見帖文引起廣大回響，再出文回應事件，指女兒看到有網民叫港媽食屎，「她睇到喊」，表示這是網絡欺凌，「不要以為隨口講，就無事」。她認為在群組中查問小童免費自助餐優惠非常正常，對大家的指控相當不解！

港媽在貼文中感謝各位「好網友」，願意提供12歲以下小童免費酒店自助餐資訊。（圖片來源：Facebook@自助餐/放題/飲食/酒店優惠情報分享）
港媽在帖文中感謝各位「好網友」，願意提供12歲以下小童免費酒店自助餐資訊。（圖片來源：facebook@自助餐/放題/飲食/酒店優惠情報分享）

相關文章：2021最新｜酒店17大Buffet推介｜每月更新

資料來源：facebook@生仔要考牌系列、facebook@自助餐/放題/飲食/酒店優惠情報分享