澳門11大餐廳必食推介 用Visa享低至8折優惠
1. 皇廷閣
皇廷閣唔單止有典雅裝潢，大家既可以品嘗到傳統廣東菜同珍貴海味，又可以細品各種上佳香茗，無論係同屋企人定好友知己相聚都相當適合。
Visa專享禮遇：午餐單點或晚餐單點（贈開胃菜）9折
2. 一廳咖啡
一廳咖啡絕對係澳門人唔可以唔識嘅餐廳之一，大家可以喺呢度食到3款世界第一嘅食材—魚子醬、煙三文魚同西班牙黑毛豬火腿，加埋獨特嘅環境同美酒，定會帶畀你頂級嘅餐飲享受。
Visa專享禮遇：總單88折
3. 瘋堂新派料理
瘋堂新派料理以意大利菜為基礎，再將各國唔同嘅風格同口味融入各種菜式之中，加埋精挑細選嘅餐酒，為大家帶嚟一場遊走世界各地嘅舌尖之旅。
Visa專享禮遇：每桌獲贈餐前小食一份
4. Goa Nights
Goa Nights由屢獲殊榮的印度調酒師帶領，提供新舊融合、結合經典同摩登嘅創新印度美食，為大家帶嚟不一樣嘅印度菜式，絕對會令大家對印度嘅印象大大改觀。
Visa專享禮遇：總單85折
5. 有間咖啡廳
坐落於澳門南灣湖畔嘅有間咖啡廳，單單係佢嘅湖景已經係一大打卡位，再加埋各種特色飲品同餐點，最啱同朋友或者另一半喺呢度過一個寫意嘅下午。
Visa專享禮遇：總單9折
6. 西洋菜餐館
澳門除咗葡撻，其實仲有好多傳統同獨有食材等緊大家發掘嘅～西洋菜餐館正正以各種澳門特色食材去創作，並以西式烹調技巧呈現出澳門風味，等大家品嘗到中西文化交融嘅創意料理。
Visa專享禮遇：每桌獲贈精選甜品一份
7. 貴族炉端燒
有冇諗過喺澳門都可以品嘗到日本地道料理？貴族炉端燒最大嘅特色就係大廚以熟練嘅技巧，為大家喺燒烤爐前即席炮製各式新穎日式燒烤美食，簡直有置身喺日本嘅感覺呀！
Visa專享禮遇：午餐或晚餐（贈開胃菜）享9折
8. 婆仔屋
如果要揀一間澳門必食嘅葡國餐廳，絕對非婆仔屋莫屬。佢坐落於擁有百年歷史嘅殖民地建築群中，大家可以一邊品嘗傳統葡萄牙美食，一邊欣賞宏偉嘅建築裝潢，盡情沉浸於葡萄牙美食之旅中。
Visa專享禮遇：消費滿800澳門元（不含10%服務費）可每桌獲贈主菜一份
9. 御廚
想一次過食齊中式、西式等環球美食，御廚就可以滿足晒大家嘅各種願望。佢全日供應各國嘅美酒佳餚，健康小吃、豐富晚餐全部都一應俱全，充滿著令人回味無窮嘅滋味。
Visa專享禮遇：自助午餐或自助晚餐（贈送飲品）享9折
10. blooom
近年嘅咖啡文化愈嚟愈濃厚，唔少人都開始對咖啡上癮。blooom係澳門獨立咖啡店嘅代表，為大家帶嚟最新鮮烘焙嘅咖啡，仲可以同時感受到澳門傳統文化與精品咖啡潮流嘅結合，感受全新嘅咖啡體驗。
Visa專享禮遇：咖啡產品消費滿200澳門元可獲贈單品咖啡掛耳一份
11. 澳門十六浦索菲特酒店
澳門十六浦索菲特酒店有頂級嘅粵菜餐廳、環球海鮮自助餐、精緻法式美饌、特色悠閒輕食，無論你係想慶祝紀念日，又或者同朋友歎下午茶chill下，澳門十六浦索菲特酒店唔同嘅餐廳都可以滿足到你。
Visa專享禮遇： 樂軒華粵菜餐廳食品8折、海風餐廳餐點及飲品8折、派意舫海鮮共享菜單85折、雅聚廊大堂吧餐點及飲品85折
（Presented by Visa）
