【白之戀人 雪糕】日本必買手信之一，一定有「白之戀人」夾心餅乾份。大家又知唔知，其實「白之戀人」係有推出軟雪糕版？但軟雪糕只於北海道內，又或北海道物產展等活動先至可以食到。呢款「夢幻雪糕」宣布正式登陸東京涉谷喇！而且仲要係常設店，唔使怕趕唔切。
撰文：C ｜圖片及資料來源：ISHIYA
「白之戀人」雪糕店 登陸東京涉谷
ISHIYA宣布與女裝鞋店「atmos」合作，於「atmos Heart」嘅店舖2樓開設「白之戀人 Soft Cream Store」。
「白之戀人軟雪糕」係使用北海道知名手信「白之戀人」中嘅白朱古力，同北海道產牛奶混合製成，口感柔軟清新嘅同時，又帶有牛奶鮮味，能直接感受到來自北海道嘅美味。
北海道以外首間常設店
新開張嘅東京涉谷店，係北海道以外嘅首間常設店，平時只能於北海道內，或北海道物產展等大型活動先至能食到嘅軟雪糕，終於可以喺東京都品嘗到！
加大版尺寸！
「白之戀人 Soft Cream Store」有售比一般尺寸大嘅加大碼特別版。雪糕一共有白朱古力、黑朱古力及混合味3款選擇，每個連稅500円/約HK$35。
「白之戀人 Soft Cream Store」
地址：東京都涉谷區宇田川町25-6 2/F
營業時間：星期一至五 12:00nn-10:00pm，星期六、日及公眾假期 11:00am-10:00pm（休息日不定）
網頁：www.ishiya.co.jp/
下一頁：【東京美食】超人氣！都內5間高質平價放題店｜$91任食刺身+海鮮、$76和牛料理
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
去東京有什麼好去處及景點推介？
未諗好去邊好，可以看留意東京自由行最新大行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。
