其他文章：起飛前15分鐘老婆堅持買Starbucks 老公嬲爆1行為反擊獲網民讚：好有勇氣！
1.同行「神隊友」拖累未能上機
去旅行總有朋友「蹺埋雙手咩都唔做」，大安旨意跟隨大隊「話點就點」，雖然可免卻了行程上的紛爭，但有時「神隊友」真是會在最後一關出事！
十幾年前同 3 個朋友去日本自由行，其中 2 個去秋葉原買嘢，班機就 18:00 飛，約咗14:45 喺旅館門口等，但佢哋 2 個就差唔多 16:30 先趕到去旅館門口，最後去到機場已經 17:35，理所當然櫃檯姐姐話飛機已經過晒 check in 時間，唔畀我地上機啦！最嬲係問點解佢哋可以遲到，原來佢哋 2 條友去咗買 18 禁成人誌、同埋 2 本寫真， 揀太耐遲咗。 同我一齊準時到嘅朋友深呼吸一下，然後走咗出去食煙；而我就拎個電話出嚟，自拍指住嗰兩條友話佢哋為咗買鹹書 Miss咗班飛機，我發誓佢哋結婚嗰日我一定會拎返出嚟畀賓客睇。
有網民因為買色色成人誌以及寫真， 揀太耐遲咗。（圖片來源：小紅書）（示意圖）
2.坐錯公共交通工具方向 早到變遲到
有時命運總愛作弄人，偏偏在你以為萬全的時候上錯車！外地交通工具未必太熟悉時，坐上倒頭車真是頭痛！有不少網民指自己都曾因此而錯失航班，只可嬲自己倒霉！
那一年帶著70歲呀媽同7歲呀女自由行，同樣係自己第一次去大阪同京都，去機場時在大阪月台等位置無錯，但上錯班好似去日出康城咁輪迴車去咗奈良，回頭去到機場counter已無人。
第一次去東京，成田落機，無睇回程，以為都係成田走，點知係羽田走。
3.Passport總在重要關頭「鬼掩眼」
有時候手上拿著電話，卻發現自己周圍都找不到電話，以為弄失，搞了一大輪後才發現電話在手上。此情況亦常發生在旅行臨出發或回程時，找不到Passport一樣。
去到機場揾唔到passport, 然後叫人入我房發現跌咗落間房個地板。
4.身體不適上唔到機
去旅行期間生病一定是最掃興的事，不過在未上機入閘前，就開始肚痛、頭暈、作嘔，最後仲錯過埋check-in或者上機時間，就一定係「慘上加慘」喇！
5.記錯出發日期搵窿捐
記住！買機票時要睇清楚出發日期、時間，出發前都要再double check！
試幻想下，本來滿心期待地拿著護照去櫃枱check-in，但地勤就同你講：「先生，你班機尋日飛走咗喇！」心情馬上跌落谷底，仲想搵窿捐……
當年去北海道 ，回程時第二日去到機場等咗幾個鐘以為班機無限delay （因為每次旅行都係delay no more ），然之後突然發現係尋日嘅機票～當時男朋友驚我嬲，偷偷去廁所即刻買咗當日機票，結果由朝早等到夜晚先上機。
6.「懶醒朋友」累事：Check-In半個鐘搞掂？
同成班朋友一起去旅行係一件好開心嘅事，但如果遇著啲冇時間觀念的旅伴就會非常傷腦筋。
無論自己有幾小心謹慎都好，總會被他/她拖累，輕則搭錯車、去錯景點，重則就是遺失護照、錯過飛機！
7.瞓過龍
睡眠對於香港人嚟講，真係好重要，但瞓還瞓，特別係搭早機嘅朋友，記住校多個鬧鐘以備不時之需，上咗機再慢慢瞓啦！
8.遲到
飛機唔等人，遲到真係唔可以怨航空公司，只可以怪自己……
9.過安檢太慢排隊排出禍
預足時間排隊安檢是常識吧！但有時候遇著慢生活的安檢人員，你心急都無用！
雲南為左食碗過橋米線，之後安保太長龍。追唔上飛機。
有啲國家真係做嘢好慢，原本都預夠時間，點知佢哋他他條條咁，最後同行6人，得2人上到機，激死！
10.唔識睇24小時制
近日，就有位馬來西亞男子發文表示，妹妹即將開學，為此她計畫從沙巴州城市山打根搭飛機前往首都吉隆坡，豈料看錯時間而錯過航班，而事實上機票寫明登機時間為01:15，不過就未有寫明是凌晨1時還是下午1時，令事主產生誤會。
有傳媒報導，女事主搭乘的是亞洲航空，她誤以為機票上的時間指的是下午1時15分。「起初我以為只有我妹妹錯過了這班飛機，但後來發現有很多人也遇到了同樣的情況。」報導一出後，不少人紛紛表示航空公司使用24小時制來區分白天和夜晚的時間：「機場、機票、航空有關的時間都是24小時制」、「12時制會寫上午am或下午pm；沒註明的就是24時制」、「看不懂還想去旅行？」
