1｜隻腳亂咁放
這個一定是頭位，無論是將腳放在前面座位頂，還是攝入前面的座位手柄裏，甚至隻腳長到新到前面的座位下，踢到前面乘客的腳，都非常之討厭，有些坐在前排的，又會將腳撐在牆上，真係見到都嬲！
2｜大聲喧嘩聊天
遇過好多，尤其是台北線，一堆青少年去台北，嘻嘻哈哈嘈怨巴閉熱熱鬧鬧，睇電影就覺得好青春，現實聽就覺得可唔可以唔好咁小學雞，講埋啲白癡野；一係就是跟團的師奶阿叔，「我而家唔食得咁多㗎啦，都係鹹魚青菜咁啦！」「上次食嗰個越前蟹啊，都冇味嘅。」夠啦，冇人想知呀，你又中氣十足，我真係恭喜你，不過機艙咁細，大家俾返啲功德，尊重下身邊嘅人，靜小小好冇？而且好唔好跨住走廊咁講嘢？我夾在中間真的覺得好煩，好像有幾個阿爸阿媽喺度環迴立體聲。乘客都算，我就有朋友親身經歷過，空姐講足全程！「全機4個空姐匿哂喺塊簾後面傾計，傾計全機都聽到，超嘈，仲要傾足全程，嘈到瞓唔到！」
3｜ 霸佔手提行李置物櫃
唔明白點解有啲乘客嘅行李，大過佢個人都可以上機，尤其是背囊，通常都比較大，有時候遲了一點上機，尤其是坐廉航，行李架一早已經滿了。咁就唯有將行李放上前後的事物貴，不過我就有朋友如果有人因為咁樣而發爛渣，
「空姐話廉航機位上面啲行李位係全機share用，試過有乘客上機後，佢頭頂個行李位唔夠放佢個巨大背囊，空姐話幫佢放去前面啲行李位，但佢死都唔制，喺度發爛渣。」講真發爛渣都冇用，空姐不能在你頭上變出一個櫃內，咁又何苦呢施主？
4｜霸佔他人座位及扶手
我成日wonder，兩邊手柄其實應該點share，搭飛機時，個手掙掗哂出嚟，霸埋側邊兩邊位嘅手柄位，隔離嘅乘客要逼住要夾埋一堆來坐，又點計數？通常我是先下手為強，起碼霸一條手柄先….
5｜過份地將椅背調後
一起機就較低椅背，空姐馬上糾正要起飛之後才可以較低，完全表露出那位仁兄，少坐飛機的經驗！
以上行為其實不只香港人，歐美丶中國人都會有這樣的惡行，祝大家好運，下次不會遇上這些人！
