【大阪環狀線 Hello Kitty】去大阪旅遊一定會搭到「大阪環狀線」，大部分必去景點/地區都係呢條線可以到達。今日開始，乘搭大阪環狀線更加有Hello Kitty中嘅登場角色陪你玩轉大阪市！除咗有得打卡，仲有遊戲同合作商品推出！合作列車只會運行半年，Kitty迷要把握好時間喇！

撰文：C｜圖片：Sanrio Japan

大阪環狀線 x Hello Kitty

JR西日本正進行「大阪環狀線改造計劃」，希望打造令人「想去」、「想搭」嘅大阪環狀線，而舉辦咗唔少活動。而今次，JR西日本就搵來Sanrio人氣角色「Hello Kitty」合作，為乘客嘅旅程增添歡樂。

Hello Kitty環狀線限定列車

合作計劃一環嘅限定設計列車，將由2019年4月1日至2019年9月30日不定時行駛。車頭部分及車身內會有Hello Kitty設計做裝飾。有特別設計嘅電車只有一架，所以運行日同運行時間都不會公布，見唔見到完全靠緣分！

車站裝飾

位於環狀線上嘅4個大站：大阪站、大阪城公園站、天王寺站、弁天町站均會設有打卡位！站內嘅指示牌同樣會有Hello Kitty登場！

儲電子印章遊戲

7月起，沿大阪環狀線嘅4個大站遊玩觀光，即可參加儲電子印章遊戲，贏取限定商品。

合作商品發售

大阪環狀線車站內嘅商店等地，將會出售原創合作商品！商品預定於4月中發售，款式包括：交通卡套（600円/約HK$42）、文件夾（250円/約HK$18）、間尺（250円/約HK$18）、亞克力鎖匙扣(3種)（各700円/約HK$49）

發售地點：bookstudio新大阪店、大阪店、Books Kiosk森之宮店、Train Box（網購）等等

下一頁：【大阪自由行】揸小型越野車遊奈良名勝！$245/2小時起｜玩盡12種傳統手藝體驗班

下一頁：日本LOFT｜必買Top 15人氣產品｜超人氣！10秒美白牙齒、洗衫「神器」


最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

大阪有什麼好去處及景點推介？

大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。