【奧地利最美小鎮】旅遊熱盛行多年，亦聽過唔少外地人比當地人多嘅「遊客過量」問題。大家出遊前，除咗做定功課mark景點、必食、必買等旅遊資訊外，又有冇睇定當地有啲咩禁忌/擾人行為唔應該做？連有「世界最美小鎮」之稱嘅奧地利哈爾施塔特（Hallstatt）都頂唔順失禮遊客，宣布於明年實施遊客管制！
撰文：C ｜圖片：新傳媒資料庫
奧地利最美小鎮
位於奧地利嘅哈爾施塔特，於1997年被列入為「世界文化遺產」，並同時入選為「世界最美小鎮」，童話仙境般的景色，每年吸引大量遊客前往觀光，亦係奧地利旅遊嘅必去景點。
遊客人數暴增
根據統計，由2011年開始，前往哈爾施塔特旅遊嘅遊客，單單只計大陸遊客，便已增加2倍以上！大量遊客充斥小鎮，甚至有失禮旅客擅闖民居、玩航拍，唔止嚴重影響當地人嘅生活，更侵犯到當地人嘅私隱。
2020年起管制遊客數量
為改善惡劣情況，哈爾施塔特決定實施遊客數量管制。由2020年起，但凡要入小鎮嘅巴士，都必須購買入城票，門票數量當然也是限量的，而且規定每年入城巴士數量上限為13,000輛。如果遊客預計停留時間不超過2.5小時，亦不允許入鎮。
作為遊客，出遊固然興奮雀躍，想用各種方式留下美好回憶。不過，即使係外地人，亦不代表就理所當然地得到當地人嘅無限包容！外遊時須時刻謹記，自己正在打擾別人生活嘅地方，應該盡力避免一切騷擾行為，當個有禮遊客。如果以過客自居，放任自己嘅行為，最後只能睇住旅遊勝地一個個關閉，不再歡迎外地人。
下一頁：中國遊客攻陷悉尼大學！｜大陸網民誤認成《哈利波特》取景地