日本粟米湯罐凹槽的作用 網民：好實用嘅設計！
飲粟米湯時，大家有留意到罐身凹槽的設計嗎？
日本販賣機必買——粟米湯成日飲剩粟米
每次飲到最尾幾啖都會淨低幾粒粟米，令人十分懊惱。所以一名日本教授就指出，原來用一個方法就可以順利食哂所有粟米落肚，一粒不淨！
大多數人喺飲完粟米湯後，都習慣用力拍罐底令粟米跌出嚟，但往往都係浪費力氣，又未必真係完全成功。
有一名流體力學嘅教授教路，只需要喺罐口附近輕按，壓出凹糟後，粟米就會自然流出，教授更上傳模擬動畫解釋。當正常速度飲粟米湯時，粟米就會卡住喺罐口。假設罐內有28粒粟米，就會剩低9粒。
有日本網站實測之後，結果發現全部粟米都成功沖出嚟，罐內一粒不留，唔知其他有粒粒嘅飲品又可唔可以用相同方法呢？各位都不妨可以試下喎！
