【日本LAWSON必買】日本便利店出名商品又多又好食，去親都要試下唔同口味嘅雪糕、小食、飲品。而舊年10月，日本LAWSON就推出咗名為「惡魔飯糰」嘅超人氣商品！唔止造成網絡巨大回響，連電視台都出動採訪！今日LAWSON又宣布有同系列新產品即將發售喇！
撰文：卡｜圖片：LAWSON
日本LAWSON必買！
繼「惡魔飯糰」後，日本LAWSON宣布於1月22日起，全國店舖將推出新商品「惡魔麵包」及「惡魔多士」！
「惡魔麵包」售價：150円/約HK$11
於薄身麵包上放上天婦羅碎粒及石蓴（海藻的一種），澆上加入咗天婦羅汁嘅醬汁及蛋黃醬製作而成。
「惡魔多士」售價：125円/約HK$9
使用芝士忌廉及細砂糖等材料做toppings，加以烤焗製成。喺顧客之間因「會食上癮！」而爆紅。
升級版「惡魔飯糰」售價：110円/約HK$8
現時出售中嘅「惡魔飯糰」，將會加入芝麻油及蔥，製成升級版新口味，並於1月15日起發售，取代舊款。
「惡魔炒烏冬」售價：399円/約HK$28
使用豉油、味醂、鰹魚及昆布製成混合高湯調味，再灑上加入咗海藻粉嘅天婦羅碎粒一同品嘗。發售日同樣為1月15日。
舊年10月發售嘅「惡魔飯糰」，係使用咗以白高湯烹煮嘅白米飯，並加入咗天婦羅碎粒、青海藻粉、天婦羅汁等材料混合製成嘅飯糰，因「味道邪惡得令人瘋狂上癮」而熱爆全日本！唔止成為網絡熱話，更有電視台出動採訪！
一般而言，新飯糰商品嘅銷售額多數都係1個月賣100萬個左右，但「惡魔飯糰」喺發售不足3個月內已經賣出1,700萬個！受歡迎程度爆燈！更破咗「吞拿魚蛋黃醬飯糰」保持咗20年嘅最高銷售額第一名紀錄！去到日本，記得要試喇！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。
