香草航空明年5月廢除香港線！與樂桃合併 10月正式停運

在入境日本前，建議 先用Visit Japan Web完成一部分檢疫手續 ，便能更快速地入境日本， 即睇使用教學 ，例如註冊步驟及同行家人如何填寫等，以及買定 日本電話卡 。

【香草樂桃航空】近年去日本玩愈來愈方便，唔少人都當正日本係第二個家咁。去得密咗，自然會偏向搭廉航多啦！HK Express、Jetstar、Peach、Vanilla Air係4大香港飛日本直航嘅航空公司，不過以後就會少一間喇！事關Peach將會同Vanilla Air香草航空合併！

撰文：C｜圖片：Vanilla Air、Peach、Zekkei Japan

香草、樂桃明年內合併

兩間航空公司預定於2019年年內進行合併，並會統一品牌為樂桃航空。

香草航空會於2019年10月26日正式停運，而所有航線將會階段性停航：

3月30日：東京（成田）～北海道（函館）【停航】

5月7日：大阪（關西）～台北（桃園）【6月29日起作為Peach啟航】

5月31日：
東京（成田）～香港、沖繩（那霸）～石垣【停航】
東京（成田）～沖繩（那霸）【6月1日起作為Peach啟航】
沖繩（那霸）～台北（桃園）【6月28日起作為Peach啟航】

8月31日：
東京（成田）～北海道（新千歲）【9月1日作為Peach啟航】
東京（成田）～奄美【10月1日作為Peach啟航】

東京（成田）～高雄【2019年10月27日至2020年3月28日期間作為Peach運航】

10月26日：東京（成田）～台北（桃園）及福岡～台北（桃園）【2019年10月27日至2020年3月28日期間作為Peach運航】

Peach將於2019年4月25日起開設札幌（新千歲）至首爾（仁川）航線，及於2019年10月1日起，開設東京（成田）至奄美大島航線。而於上年停航嘅香港至沖繩（那霸）航線將會復航！

於2017年10月29日停航嘅沖繩（那霸）往來香港嘅直航航班，將會於2019年6月28日重開，並會每日運行（一星期7班航班）。嚟緊嘅夏天又可以搭Peach直航飛沖繩玩水喇！