二人於Ig post 中並冇透露分手原因，只強調兩人會由男女朋友變成知心好友，同時希望大眾唔好有任何揣測。
02｜黃宗澤、胡杏兒
胡杏兒同黃宗澤(Bosco)拍拖8年，其間男方一次又一次出軌，女方給完一次機會又給一次機會，但Bosco冇好好珍惜，反而變本加厲。結果杏兒徹底心死，主動提出分手，8年情就咁玩完，當時好多fans都感到好失落！
二人分手後，感情都各有新天地！2015年杏兒與李乘德(Phil)拉埋天窗，成功搵到好歸宿！2017年杏兒誕下愛兒李奕霆 (Brendan)，今年更宣布再度懷孕的好消息。
至於Bosco就疑似暗撻長腿妹陳嘉桓(Rose)，雖然暫時雙方仲未承認戀情，但希望Bosco可以快啲早日成家立室啦！
03｜方力申、鄧麗欣
方力申與鄧麗欣（Stephy）因合唱歌曲及拍攝電影而成功撻著，可惜2016年，方力申與鄧麗欣透過經理人公司發表聲明，表示已經分手，並結束十年的情侶關係，當時唔少人對呢對金童玉女分手感到可惜。
上年7月，Stephy大方承認與台灣男藝人前Lollipop棒棒堂及JPM成員王子(邱勝翊)拍拖，雖然Stephy大男友5年，但女方對於呢段姊弟戀好有信心，希望今次可以開花結果啦！
至於方力申，自分手至今暫時未見有新戀情，反而就專心喺事業上，早前宣布開游泳學校做校長，希望訓練有潛質嘅小朋友之外，亦希望藉此回饋社會，贊助一些弱勢家庭兒童，教佢哋游水！
04｜鄭嘉穎、周勵淇
鄭嘉穎同周勵淇因拍《天幕下的戀人》及《最美麗的第七天》，奠定螢幕情侶的地位！二人雖從未公開認愛，卻發展出5年地下情。最後鄭嘉穎被傳一腳踏兩船，最終分手。
二人分手後，周勵淇繼續工作至上，至今仍未見有新戀情，希望Niki早日遇到白馬王子，搵到個好歸宿啦！
至於鄭嘉穎因拍攝劇集《殭》而與陳凱琳成功撻著，二人更拍拖3年，於上年8月喺印尼峇里島舉行婚禮，組織幸福家庭！
05｜鄭中基、楊千嬅
當年楊千嬅與同期出道男歌手鄭中基拍拖，鄭中基以一曲〈2月3日〉（楊千嬅的生日日期）成功奪得千嬅芳心。縱然當時二人戀情被看好，但最終分手收場，而至今雙方仍一直維持好友關係，極為罕見！
與鄭中基分手後，千嬅於2007年與細佢5年嘅丁子高拍拖，兩年後更註冊結婚。2012年，千嬅為老公誕下一兒丁進諾（Torres），生活美滿！
鄭中基與千嬅分手後，於2009年承認與蔡卓妍（阿Sa）拍拖，並於美國與阿Sa註冊結婚，可惜最後二人於10年宣布因了解而分開。及後，鄭中基於2011年與前香港有線電視女主播余思敏相戀，同年女方更為中基誕下女兒。
06｜郭富城、熊黛林
2013年，郭富城同拍拖7年嘅熊黛林(Lynn)分手，有指兩人之間出現小三苟芸慧。不過，城城否認有第三者：「喜歡對方並不一定白頭到老。」言語間又暗示分手與雙方性格不合有關。
熊黛林離開郭富城後，旋即於2014年與藝人郭可盈的弟弟郭可頌相戀，2016年兩人結婚。上年4月，熊黛林為老公誕下一對可愛萌爆孖女！
至於城城就喺15年公開與內地女友方媛(Moka)嘅戀情，前年亦都拉埋天窗，同年Moka為老公城城誕下B女，一家三口樂也融融！
07｜伍允龍、鍾嘉欣
鍾嘉欣同伍允龍一直秘戀8年，雖然曾經歷幾許風雨，但嘉欣最後決定向男方提出分手。
嘉欣之後迅速搵到筍盤脊醫Jeremy，更於16年2月返溫哥華同老公Jeremy補擺喜酒！同年先為老公誕下愛女梁愛晨（Kelly），上年9月再誕下囝囝Jared Anthony Leung，做個幸福少奶奶！
而伍允龍至今依然單身，近年亦因拍攝無綫劇《城寨英雄》而人氣急升，未知佢幾時得閒搵番個女朋友拍下拖呢？
08｜鄭伊健、梁詠琪
鄭伊健與梁詠琪(GiGi)於1999年合作許冠傑監製嘅舞台劇《仲夏夜狂想曲》時每晚當眾親吻，被指一吻定情，當時伊健身邊已有拍拖7年的女友邵美琪，但同年10月，GiGi被全港傳媒拍得為伊健慶生後步離其大埔仔寓所照片，二人始正式坦承共墮愛河，「奪麵雙琪」事件即成熱話！
不過鄭伊健與GiGi最後逃唔過分手命運，隨後亦相繼各組家庭！GiGi同西班牙籍老公Sergio結婚後，15年誕下混血女兒Sofia，Sofia長得精靈可愛，極之討人歡心！
至於伊健與蒙嘉慧則於2013年頭喺東京低調註冊結婚。
09｜黎明、舒淇
1998年舒淇拍攝《玻璃之城》跟黎明擦出愛火花，據指當時二人更同居了。不過交往期間，黎明的粉絲一直無情地炮轟，男友又跟其他女星緋聞不斷，相信女方也承受著不小壓力。後來又有傳因為黎明的父母不接受舒淇曾拍三級片和寫真集，覺得她不配成為他們的兒媳婦，同時面對著父母和粉絲的不祝福，令黎明一直不敢認愛。舒淇心冷斬斷7年情，最終二人蜜戀七年後黯然分手。
2016年，舒淇和馮德倫傳來喜訊，公開宣布二人相識20年，相戀4年並決定結婚，仲發出多張甜蜜婚照！
黎明與舒淇分手後，曾於2008年與名模樂基兒註冊結婚，可惜12年宣告離婚。上年，黎明在社交網站承認與女助手陳泳儀(Wing)拍拖，4月女方更為黎明誕下一女。
10｜馮德倫、莫文蔚
2007年，莫文蔚自爆同馮德倫結束8年姊弟戀，令人大感震驚！事關二人曾同居築愛巢，又一度傳出婚訊，當年冇人會想到二人會分手！有傳分手原因係雙方專注工作，聚少離多致濃情轉淡！
之後，莫文蔚重投初戀男友Johannes懷抱，更於2011年跟對方喺意大利佛羅倫斯拉埋天窗，告別剩女生活！
11｜魏駿傑、滕麗名
1996年魏駿傑與滕麗名開始拍拖，當時不少劇集中都係飾演情侶，被人認定為「公認的一對」。可惜男方多次傳出負面新聞，最終雙方於2007年宣布分手。
魏駿傑翌年1月與比佢年輕20年嘅內地女生張利華註冊結婚，10年其老婆誕下一女。
至於滕麗名曾與郭政鴻發展近兩年嘅地下情，不過亦係分手收場！然而，滕麗名喺2013年與圈外男友朱建崑結婚，搵到幸福！
12｜呂方、鄭裕玲
2008年Do姐與呂方宣布分手，結束了長達16年的愛情關係，同時對外表示，不牽涉金錢及第三者。但當時有傳呂方因幫Do姐投資蝕大錢，令雙方關係破裂！
呂方曾於分手後串Do姐霸道：「我都坐咗16年監啦！依家重獲自由，就好似一隻冇腳雀仔咁周圍飛，仲唔周圍瞄咩？我覺得四十幾歲嘅單身男人好吃香！我咁耐都未試過咁開心，可能你覺得我囂，我認呀！我從未試過咁高傲，未試過飛得咁行。」
