貝雷帽3種髮型長度＋不同穿搭造型
1｜Bob頭
短髮bob頭同貝雷帽相性最好。但因為bob頭嘅頭髮長度較短，要編髮嘅話，較為有難度。不過，只要將髮尾往內捲一圈，再戴上貝雷帽，就能營造girlish印象，比較頭髮比較長的話亦有可愛的感覺。
短髮 x 貝雷帽 x 工裝
貝雷帽不單止可以走可愛甜美風，如果選擇其他材質的話可以營造型格的感覺，譬如牛仔布料的貝雷帽配上有工裝，輕鬆走出中性路線。
貝雷帽 x 眉上劉海bob頭：以衣服穿搭為重點
眉上劉海同貝雷帽非常合襯！戴上帽後，能將劉海固定，防止劉海吹散。
戴帽小技巧：首先喺頭嘅前方放上帽，固定位置。然後邊壓住前髮，邊將帽嘅另一端拉到後腦，呢個戴法可以將前髮漂亮固定住。
貝雷帽 x 單辮：成熟風束髮
將前髮收進帽內，其餘頭髮梳到後腦位置束成1條辮，打造清爽造型。但將所有頭髮緊緊束成辮，則會感覺太硬朗。用手指將頭髮逐少抽出，營造鬆垮感可令整體感覺更溫柔。
臉嘅兩側、貝雷帽下見到少許髮絲係造型重點！可以增添可愛感。而貝雷帽嘅戴法，則推薦戴深啲。
貝雷帽 x 內捲bob頭：造型更富女人味
將前髮露出嘅內捲bob頭，適合鬆啲嘅戴法。而bob頭最大好處就係唔需要過多嘅setting，就可以將貝雷帽戴得好好睇。兩側頭髮繑耳可令整體感覺更加清爽。
貝雷帽 x 曲髮：適合鮮色服裝配搭打造個性感
色彩繽紛嘅穿搭，再加上電成曲髮嘅bob頭，適合土黃色嘅貝雷帽。
捲至蓬鬆嘅曲髮bob頭富有分量感，而貝雷帽就剛好可以作出平衡，減輕頭髮嘅分量感，令整體感覺更舒服。另一方面，將前髮藏起嘅戴法都非常合襯。
貝雷帽 x 短髮bob頭：可愛感倍增！
啡色髮色嘅短髮bob頭，同土黃色貝雷帽相當合襯。想增添可愛感嘅話，建議戴淺啲，唔好遮蓋前髮。
髮型唔需要太過花俏，將一邊頭髮掛耳便已足夠，僅僅係咁已經可以提高可愛感。佩戴吊飾較大嘅耳環或長耳環，可令整體配搭更添可愛感。
貝雷帽 x 外捲：中性冷酷風
如果想將前髮收起，則適合戴深啲。髮型方面，只需將髮尾往外捲，就可以輕鬆打造潮流感。如果有時前髮「唔聽話」，又或者早上時間緊迫，冇時間set頭，可以試下呢個造型！
滾邊貝雷帽 x 短髮 ＝ 混搭好幫手
有滾邊設計嘅貝雷帽款，推薦輕輕放上頭般嘅戴法。帽子稍微往後傾斜，望起嚟會更有可愛感。除此以外，特別材質的滾邊貝雷帽亦可走中性風格。不過不建議戴得太深，因此推薦露出前髮。
近年網絡上亦都很流行風格混搭，例如穿搭甜美的話，會加上一、兩年型格的配飾，令到整體造型更突出！
2｜中長髮
另一方面，中長髮配貝雷帽，更可以營造出令人想保護嘅girlish感！而且配上日系穿搭都頗有新鮮感。
貝雷帽 x 低馬尾：用角度改變個人氛圍
臉頰兩邊留下多啲頭髮，後方頭髮則束成一條低馬尾，然後再配上貝雷帽。
透過臉頰兩側留有嘅頭髮，從正面睇有bob頭感覺，側面睇則有潮流感，由唔同角度睇，可以令人有唔同印象。
貝雷帽 x 編髮
戴上貝雷帽時，想將頭髮盤起，最簡單嘅編髮造型係「kururinpa」，即將頭髮綁成一束，將橡筋拉鬆，喺綁住嘅頭髮中間拉開一個洞，然後將髮尾翻入洞口並再次將髮束拉緊。
搭配貝雷帽時，可以就咁喺後腦反複用「kururinpa」編成成熟風，又或者只翻一次，然後收起髮尾，束成髮髻。
3｜長頭髮
頭髮嘅長度同量足夠嘅話，可以選擇嘅編髮種類自然較為豐富，而貝雷帽更可以作為冇時間做styling時最好嘅搭配小幫手！
貝雷帽 x 低馬尾：髮尾加添小技巧增加可愛感！
貝雷帽+馬尾可以增添時尚感，帽色推薦使用黑色或啡紅色。配搭重點在於喺後頸留有一、兩小撮頭髮！將其餘頭髮束好後，再戴上耳環等小飾品，可更添時尚感。
貝雷帽 x 髮髻：種類豐富
團子髮髻簡單俐落，適合多種不同衣服造型。將髮髻束於側面，可增添時尚可愛感。當然，都可以選擇將髮髻收於帽內，然後將臉頰兩側嘅頭髮輕輕捲曲，可更添女性可愛感。
貝雷帽 x 長髮 x 法式穿搭
近年以法式穿搭成為亞洲多個地區的穿搭熱潮，不但適合職場、事業型女性，一件衣服適合多個場合，下班後可以加一頂貝蕾帽馬上多了一種時尚休閑感。
