撰文：Carmen｜圖片來源：WEAR
休閒鞋穿搭NG理由1：下身衣服長度同休閒鞋款式平衡感差
身上衣服長度同休閒鞋款式平衡感差係其中一個理由。下身衣服較長，而又著咗高筒休閒鞋，有時會令下身衣服同休閒鞋「連埋一齊」，又或者有段長度微妙嘅空隙，令全身配搭失衡！
NG例子：
長及腳踝嘅長裙搭配高筒休閒鞋，會令腳部顯得沉重！微妙地畀你睇，又唔畀你睇嘅配搭會顯得老土。想展現時就展現！想完全遮掩就完全遮掩！俐落嘅配搭會令平衡感更好。
長至腳踝嘅長褲搭配高筒休閒鞋係錯誤！俐落感不足，將褲管捲起可令配搭更有清爽感。
OK例子：
長裙搭配低筒休閒鞋，腳上嘅清爽感同頭先大大不同！能夠睇到腳踝嘅低筒休閒鞋，即使係配長裙，都依然能調整腳上輕重感，令全身望起嚟輕盈又清爽。
另一個例子，可用潔淨感強嘅裙搭配高筒休閒鞋。長褲就會顯得沉重笨重，可試下配有寬鬆感、傘裙等裙腳輕盈嘅款式。顏色則以光亮為主，可以避免穿搭有沉重感。
休閒鞋穿搭NG理由2：穿著分量感十足嘅下身衣服
有分量嘅下身衣服同休閒鞋搭配係需要些少工夫嘅。配搭時，多注意下身衣服同休閒鞋間嘅分量感。
NG例子：
以有分量感嘅休閒鞋嚟襯同樣有分量感嘅長裙，會令下半身配搭顯得臃腫，要潮襯需要些少技巧。將裙換成緊身啲嘅，或者將休閒鞋換成eye-catching啲嘅款式會更好。
中性啲嘅寬闊長褲配分量厚重嘅休閒鞋會顯得老土。將長褲換成窄身及腳踝款，可改善笨重印象，加入清爽感。
OK例子：
即使係寬鬆設計嘅長褲，透過「爛牛」風設計，稍微露出肌膚已經令成個感覺唔同晒！將褲管捲起，令腳踝露出，可實現完全冇沉重感嘅長褲配搭！
如果唔想捲起褲管，選擇高腰褲款，令視線重點放到上半身，亦可有唔同感覺。相比起牛仔素材，選擇望落偏向優雅嘅卡其色、杏色等素材顏色係重點！
休閒鞋穿搭NG理由3：黑色休閒鞋容易令腳上感覺沉重
即使係鍾意全身黑色配搭嘅人，大概都唔會有人希望全身配搭厚重吧！黑色休閒鞋好易令全體配搭感覺顯得沉重，襯衫時須小心注意！
NG例子：
若然係全身黑色嘅配搭，衣服過長會令人有不合身、太熱嘅印象。原因係下身衣服長度同鞋嘅顏色問題，整體顯得厚重不清爽。就算係鍾意黑色配搭，亦令人有「過晒龍」嘅感覺。
OK例子：
就算係長及腳踝嘅下身衣服，只要一改腳上顏色，就能輕鬆打造輕盈感。如果選用顏色搶眼亮麗嘅鞋，反而會成為印象「煩人」嘅穿搭，著白色或珍珠色等帶有清爽感覺顏色嘅鞋就OK！
上下身全黑配搭，襯以eye-catching嘅緊身款式，所以腳上配搭有少少分量感嘅休閒鞋，可令全身配搭維持到平衡感。
休閒鞋穿搭NG理由4：衣服同鞋兩邊都太eye-catching
有時太追求顯瘦配搭而全身搭配得太eye-catching，反而會令全身配搭失去平衡感，以其中一方為重點就好。
NG例子：
Half pants一直都係受歡迎款式，但著呢種褲款須小心注意鞋嘅配搭！Eye-catching嘅褲款再配以顏色鮮亮嘅波鞋，唔單止營造唔到顯瘦感，更會令人覺得勉強在展現顯瘦感。
OK例子：
如果無論如何都想以eye-catching嘅half pants襯顏色強烈嘅波鞋，必須利用較大嘅物件去作為配搭重點，例如大袋、手錶等，將重點轉移。
將休閒鞋由低筒換成高筒都已經好唔同。再加以配搭長身嘅薄外套，可令平衡感更好，提高style感。大藤籃袋更是全身配搭嘅重點物品。
