講到日本奈良，相信大家都會諗起當地嘅鹿仔。只要畀少少錢買包鹿仙貝，就可以親親小鹿，餵鹿仔同佢哋影相。早幾日係日本黃金周連假，難得嘅假期，唔少日本人都一家大細出外郊遊，當然不少得去奈良餵鹿仔啦！但連假嘅人潮超多，加上觀光嘅旅客，令到奈良嘅鹿仔食到飽晒，甚至放到眼前嘅仙貝都唔肯食！
撰文：Alva | 圖片來源：Twitter、新傳媒資料庫
遊京阪神，必去奈良餵鹿仔
好多人去大阪、京都旅遊，都一定會抽一日去奈良公園，探下公園入面嘅鹿仔。
公園附近仲有好多檔仔賣「鹿仙貝」，去親都會平平哋買包餵下鹿。
黃金周連假，奈良小鹿被餵到飽晒
剛好上星期係日本黃金周連假，日本人都趁難得嘅假期一家大細出嚟玩。
但有唔少打算去奈良公園嘅日本網友都有點失望，因為當佢哋去到奈良買好鹿仙貝準備餵鹿時，發現鹿仔已經被人餵到飽晒，郁都唔想郁。
GW前半で鹿せんべいを食べ飽きて、完全に無反応になってしまった鹿さん達…#奈良公園 #鹿 pic.twitter.com/8useRoyM2c
— 米田仁士 Hitoshi Yoneda (@Brise_Marine) April 30, 2018
理想：餵鹿仔影靚相
現實：鹿仔見到你已經食唔落
上年黃金周，同樣奈良鹿飽到唔想食！
其實上年同樣時間，都已經有網友指奈良公園好多人去，奈良嘅鹿已經被餵飽晒！
甚至前面成堆仙貝，鹿仔都不為所動，飽到冇胃口食。
東大寺、鹿せんべいが飽和状態でお供物みたいになってる… pic.twitter.com/i2Egh6xOJ1
— なぎさ (@nnagissa) May 5, 2017
其實每逢節日假期，遊客人流高峰期嘅時候，奈良公園都會出現呢個情況，入面嘅鹿仔都飽到唔想郁。
睇佢哋個樣，好似講緊：「放過我啦！人類！」
下一頁：觀光客注意 | 奈良公園鹿傷人案件大增 被咬的大部分是中國人！
