文：Mario | 圖片及資料授權：捕獲野生發哥
01 | 約發哥食個brunch－觀塘
好多網民都喺觀塘捕獲過發哥，當中熱點更係一間餐廳，網民表示該餐廳食物質素不錯，最重要係可以撞到發哥，去開嗰頭覓食都不妨去撞下彩！
最常出現日子：平日
捕獲熱點：鴻圖道、HIM
捕獲黃金時間：下午二時至四時
延伸閱讀：發哥獨家回應！批評新冠肺炎抗疫政策 心痛市民「喺街食飯好似乞兒」
02 | 地下鐵碰着他－港鐵
發哥成日搭港鐵遊香港，所以各位市民乘搭時都留意下身邊人，話唔定發哥就在你身旁。
捕獲熱點：港鐵沿線
捕獲黃金時間：下午二時至四時
03 | 一星期五日現身－佐敦
發哥一星期至少有5日到佐敦找師傅踩背鬆筋，每次大約半小時，出現頻率極高！
捕獲熱點：白加士街、吳松街
04 | 明星街市買餸－九龍城
九龍城街市不嬲都吸引好多明星去買餸，發哥更係常客，幾乎日日都會現身。
捕獲熱點：九龍城街市
2017年3月，發哥現身九龍城公和荳品，結果「偶遇」參選特首的曾俊華，引來大批市民還有電視台直擊。
05 | 發哥屋企－九龍塘
有網民話經常會於九龍塘又一城遇到發哥，其實發哥家住九龍塘，所以於該處捕獲佢的機會都好大！
06 | 行街shopping有驚喜－尖沙咀
有網民試過喺尖沙咀的商場撞到發哥，大家下次去行街都唔好顧住購物，因為分分鐘會見到偶像！
07 | 下午去大機會撞到－太子
發哥通常都於九龍市區出現，太子都係其中一個熱點，不少fans都撞過！
延伸閱讀：發哥獨家回應！批評新冠肺炎抗疫政策 心痛市民「喺街食飯好似乞兒」
延伸閱讀：捕獲野生發哥｜8大行山熱點最有機會遇到發哥 唔止大帽山！
延伸閱讀：捕獲野生發哥｜發哥最常出現7大市區據點 九龍區機會率高！
