去旅行要做足準備！近日英鎊一再下瀉，想年尾去倫敦血拼，首先要了解脫歐後會對旅客有甚麼影響吧！所以先講講正經事，出發前麻煩睇睇以下 5大貼士 ！
01) 換錢要趁早！
雖然傳聞低處未算低，但英國政局未明朗，留歐派又想再公投，令匯率不停浮動，所以建議盡早把握機會換錢，其實在9.7 水平已經好抵！
02) 睇清匯率先碌卡
想用信用卡購物，畀個貼士你，記得每日留意匯率，以免英鎊突然狂升買貴咗！
03) 快手訂機票酒店
KAYAK.com.hk數據顯示，香港飛往英國的機票搜尋量在脫歐後急升50%，想買平機票同搵酒店都一定要趁早！
04) 歐遊多國退稅要注意
如果係剩係去英國，在店舖當然可以立即退稅。但如果想連續歐遊多國，就要留意將來退稅機制，因為現有方法是在離歐回港前的最後一個國家一次過取回所有退稅款項（暫未公布會唔會有新方式）。
05) 簽證冇影響
即使英國脫歐，香港人憑特區護照去旅遊都會繼續免簽證，所以不受影響。
