無綫資訊節目《 世界零距離 》系列，有別於以藝人為主持的旅遊節目，由新聞主播方東昇主持，介紹一啲較偏遠、鮮有港人去旅行的地方。方東昇在節目中一改其嚴肅形象，旁白方式生鬼有趣，並加入大量爛 gag 金句，令前年播出的《 世界零距離 II》成為熱話。而上個星期起《 世界零距離 III》亦開始在翡翠台播放，大家一路追睇時，不如又重溫他的啜核金句啦！！

01) 「成個老襯，從此士氣大振」

押韻又超好笑，果然係中大才子！

02) 「又期待，又怕受傷害」

到達委內瑞拉後，方東昇即時諗起呢度華人事前溫馨嘅提示，八個字「風光如畫，治安奇差」，之後再說：「我哋嘅心情又點？同樣係八個字，『又期待，又怕受傷害』！」

03) 「抱得美人龜」

到開曼群島講海龜，教人揀龜最緊要外殼色澤鮮艷為之靚龜，方東昇拎住隻龜就自認「抱得美人龜」！

04) 為龜改名作「龜宿」

又幫隻龜改名，叫佢「龜宿」，希望佢搵番個好「龜宿」喎！

05) 「工欲善其事，唔好發脾氣」

咁又係喎，唔好老脾又點做好事呢？

06) 「委內瑞拉有亂世，又有佳人」

簡單道出當地特色，治安亂，但靚女多！

07) 「睇見學員行差踏錯，老師都冇輕輕放過」

大部分委內瑞拉女仔都報讀選美學校，希望能成為選美冠軍，一舉成名！而選美學校要求嚴格，行catwalk步姿或動作出錯，老師當然唔會放過，即場指點！

《 世界零距離 III》

播出日期： 1 月 9 日起，逢星期一至五早上 10 時 30 分於翡翠台播出。