復活節期間位於圓方上蓋的W酒店為了「應節」，推出了復活節主題下午茶自助餐，有食用餐後將當時所拍攝的照片上載到Facebook群組「香港自助餐、放題及雙餸飯集中討論區」，有眼利的網民發現其中一道復活節期間限定菜式是「手撕兔肉配鷹嘴豆醬」，引發大批網民爭論。
大批網民對「可不可以吃兔兔」意見分歧，一部分網民坦言不能接受復活節食兔肉，認為餐廳不應推出含有兔肉的菜式：「 復活節食一個復活節嘅icon動物，特別諷刺同嘔心，設計主題嘅人好變態」、「酒店應該避開復活節供應呢樣食物，小朋友見到實有陰影」、「作為養寵物嘅人我覺得好嘔心」。
而另一方面也有不少網民認為酒店做法毫無問題，反指愛兔人士反應過激：「所有動物平等，但有一些動物比其他動物更平等」、「餐牌竟然有蛋，有無諗過復活蛋感受，不能接受」、「兔就唔食得，雞鴨牛羊魚就抵死嘅？」、「狗糧貓糧都有兔肉糧鹿肉糧啦，外國有專門係for食用嘅兔，就同豬牛雞一樣。在乎手撕兩個字嘅….手撕雞唔殘忍嗎？」、「作為兔仔的主人，都覺得班『愛兔塔利班』太過份！喺香港食兔肉係合法，純粹因個人愛好而強迫别人不可進食或售賣兔肉，實在太霸道」。
網民：食兔肉在歐洲流行
同時也有不少人指出兔肉在非香港地方屬於十分常見的食材，屬於文化差異問題：「雖然兔肉喺香港係好罕見，但兔肉喺歐洲係一個幾流行嘅食材，甚至英國政府鼓勵狩獵野兔去控制野兔數量。正如魚翅喺香港係好普遍嘅食材，但係西方又接受唔到。 既然自助餐係匯聚唔同文化，自然料理上亦都會有文化差異。」
其後有不少網民到W酒店官方Facebook專頁帖文下方留言，炮轟酒店做法，在事發一天後，W酒店也公開回應表示將審視餐廳所供應之食材，酒店方在1小時後再次回覆網民查詢時表示已立即跟進事件並於餐單上剔除。不過，在W酒店「跪低」後，也有持相反意見的網民指出，兔肉在香港屬合法食物，酒店根本不需要道歉：「或者你哋最終選擇息事寧人剔除菜式，但我想講你哋總廚千祈唔好覺得自己有錯，根本兔肉喺外國係好普遍嘅食材」。
兔肉料理雖於香港並不常見，但於歐洲國家吃兔肉由來已久，法國、義大利或鄰近山區，兔肉菜餚尋常可見，在歐洲你更可以在超級市場看到兔肉與雞肉放在一起販售。另外，英國著名傳統料理「仰望星空派」有時亦會使用兔肉入饌。
