被揭違規擅自開窗 反指職員偷潛入房侵犯私隱
一般而言，租住酒店均有清潔房間服務，房務員主要在住客外出時入房清潔。最近有酒店職員在網上分享，曾經遇上一位長租客人每天違規擅開窗戶，房務員則每天進房時替其關窗，即使酒店已多次提醒對方因容易發生意外，請勿私自推開窗戶，但該名客人並無遵守規則，依舊在房時開窗外出時自行關窗。職員指，幸好到客人check-out時也沒有發生意外，但此行為確實違反入住規矩。
事件在網上分享後隨即惹來「侵犯私隱論」，有疑似住客指「酒店襯個客出門口就偷偷地入房睇個客的私隱，陰陰濕濕搞到客人無私隱，仲可能發生房務員無關好門令客人間接唔見野，好無安全感」。此話一出，職員即表示「我哋每日都會執房，執房發現客人違規係必須要通知經理，如果你唔想房務員入房清潔可以掛請勿打擾牌，又或者通知定前台。最重要的是，我並非如你所講偷偷入房，我哋喺街嗰度已經見到佢開咗窗，搞到我日日都要落去鎖窗！」
住客違規行為非首次 網民怒轟「陰濕論」：歪理！
職員更表示此非單次事件，「講真好多客偷偷地開窗都係為咗食煙，更過分嘅就偷偷地晾衫，仲掟煙頭落街，如果發生意外整親人甚至可能火燭，唔通有機會引發以上既危險我都當睇唔到？」對於疑似住客非但沒有認錯，反指職員陰濕，網民均表示對方「打橫嚟講」，「點解唔係偷偷地開窗嗰個陰濕呢?」、「樓主住邊間酒店冇執房服務？需要呢個服務仲要講私隱？何況人哋又唔係搞你啲嘢」、「住客自己違規又不願承認，還要怪責酒店職員盡本份履行責任」。
職員指偷開窗的客人為俄羅斯籍男性，但因遇過太多住客做出違規而好心提醒，「大家唔鍾意有陌生人入房其實完全唔緊要㗎，你交代得清楚就得，咁酒店就會通知全世界唔好敲門，大家住得開心，酒店亦無麻煩處理」。
