內地乘客：咁出名你都唔知啊？
Facebook群組「的士司機資訊網 Taxi」中有的士司機分享工作期間遇見的趣事，有日他開工時載了3名內地人，他們以半鹹淡廣東話表示想去「得滴路」，他完全不知所云。見司機一頭霧水，內地人就強調「得滴路酒店」十分有名：「咁出名你都唔知啊？」
司機一聽「圓光」先有頭緒
司機仍對「出名嘅得滴路酒店」仍摸不着頭腦，只能旁敲側擊試試能不能獲得有用的資訊：「喺邊區？」內地客再次回答到：「圓光聽過無？圓光果邊咪有間得滴路酒店囉！」司機聽到「圓光」即時恍然大悟：「W酒店呀？」內地客確定「得滴路酒店」原來正是位於圓方上蓋的W酒店後就開車出發，而內地客則笑言：「見你部車咁新，識得自動開門，應該好有見識㗎」乘客無厘頭的話語，令他哭笑不得。
出發往目的地行駛時，內地客又為司機帶來更多笑料。內地客對的士車廂感到十分好奇，便向他詢問的士車廂門如何開門。當時剛好遇上紅燈，他就為內地客「示範」一下：「我講句開門，然後度門開咗，佢嘩一聲，我再講關門，佢再嘩一聲」令乘客興奮不已，大讚「好先進喎」！司機笑言沒想到對方竟然信以為真，因而笑稱「以後香港坐的士唔好亂講咩門咩門，分分鐘跌你落車」！
網民：以前聽過有內地遊客問侏儒村喺邊
帖民引來大批網民爆笑，不少網民笑言：「W酒店終於有中文」、「真係畀你玩死」，亦有網民分享半鹹淡廣東話的趣事：「有一次係醫院，有個女人問我衛生巾係邊，我叫佢去7仔買， 佢R曬頭， 之後， 佢老公出現，話佢要去衛生間」、「以前聽過有內地遊客問侏儒村喺邊（G2000）」、「有個同事都好重鄉音，臨收工前突然同我講句：『我係肥風等你！』就走左，最弊我又唔記得帶手機返工，收左工係個商場行左幾個圈，先係匯豐門口揾到佢」。
但亦有網民指內地客人到香港願意講廣東話屬好事，指司機不應取笑他人：「其實入鄉隨俗係好事嚟」、「半鹹半淡就梗㗎啦，但係人哋肯講吓廣東話我又buy喎」、「其實好過聽得明廣東話，但逼人講普通話呀」。
