撰文：AY｜圖片來源：事主提供、Facebook群組「Staycation HK Hotel – 留港宅度假 本地酒店住宿優惠」
住客短租香港東南樓酒店 被要求賠逾萬港元！
一名網民於上周在Facebook群組「Staycation HK Hotel – 留港宅度假 本地酒店住宿優惠」發文，內容提及其友人曾入住東南樓藝術酒店，全文如下：
對於呢間酒店「東南樓」各花入各眼啦，我朋友住過，賠錢賠到嘔，呢啲咁嘅天然因素都要人賠，行李旁邊又話有筆跡，唔通企上去畫畫咩？牆紙日日曬住，自己舊化仲屈人賠，「嘥氣」，估計酒店房內，古董如有輕微損壞，照價賠償。
GOtrip編輯聯絡了事主Y小姐，她稱入住東南樓酒店已有一年半，頭一年是日租其他房間，最後涉事房間已租用約半年。Y小姐稱入住初期，對酒店的服務、住宿體驗都感覺不錯。酒店於11月時向事主稱因該房間有其他安排，未能出租予長住客戶，提議Y小姐轉租其他房型。
事主：3名酒店職員咬住我唔放！
事主Y小姐稱因酒店其他房型大幅加價，才決定不再租住東南樓，而Y小姐指當日check out時，酒店稱房間要與入住時一模一樣！事主指「因為始終住了一段時間，但酒店在退房前才說要確保離房前同入住前一模一樣，但因為入住時間長，所有東西都會有正常的老化、耗損。」
事主Y小姐回應，憶述退房當日的情況：
當時房入面3個都係員工，我一個人，同埋我第一次住長租酒店，第一間已經係呢間，3個人一口咬定話我整到有問題，當時好驚。
最後，東南樓要求向Y小姐收取維修費用，包括：更換牆紙、執修底灰工程、窗簾連運費，金額合共港幣$15,500。事主Y小姐認為收費並不合理。
事主獨家提供照片
事主Y小姐解釋：「行李架位置是讓住客放行李，如果人哋真係放件重行李落去，個車胎痕可能會勁過我依家，我住咁耐，呢個位都唔係日日車件行李落去。」
事主Y小姐稱：「成間房我承認呢個係我整（藍色膠跡位置），因為早上西斜好曬，此位只係用過少少文具舖的Blu-Tack，呢個位就算係賠。」但酒店將旁邊個起泡位亦入佢數，Y小姐稱：「我都唔知點樣可以用方法要整到佢起泡」。
由於酒要求賠償的金額數目達港幣$15,500，事件引起網友熱烈討論！
網民：「咁都要賠、擺明打劫」
有網友直指賠償金額不合理，更指「咁都要賠、擺明打劫」、亦有人指「少量損耗要人哋重新賠過成個裝修價錢，咁有少少老屈囉」。
