【明星Staycation】張曦雯快要投入拍劇集《白色強人2》，趁開工前夕，張曦雯帶埋愛犬去Rosewood酒店Staycation ，疫症爆發八個月，就足足八個月少出門多留家。屋企門口都唔多敢行出去，更何況坐飛機出埠呢？一向愛犬如命的張曦雯，去玩當然預埋囡囡Nala齊齊玩，還表演親子瑜伽！

撰文、圖片來源：《東方新地》（原文刊於《東方新地》）

張曦雯Staycation孖愛犬出遊玩

近排個個都去Staycation，張曦雯都唔例外，為自己叉叉電！除咗去酒店Staycation開P慶祝生日、籌備求婚之外，原來現在有唔少酒店接受寵物入住，咁就啱晒啲想出去玩，又唔捨得放低主子嘅狗奴喇！

平時忙開工周圍飛，有時焗住放低屋企愛犬。趁住呢個疫情時興 Staycation，張曦雯就特登 book 番晚酒店帶埋 Nala 一齊度假。
平時忙開工周圍飛，有時焗住要放低屋企愛犬。趁住呢個疫情時興 Staycation，張曦雯就特登 book 番晚酒店帶埋 Nala 一齊度假。

三年前養咗隻柴犬 Nala 嘅女神張曦雯（Kelly）日前就 book 咗Rosewood去Staycation，帶埋 Nala享受呢個服務。邊個話酒店房地方細又「 屈質 」㗎？愛狗如命嘅 Kelly 就專登 book咗間大房，有廳有房有海景仲有闊落空間，住足兩日一夜，同 Nala 又 high tea又滾床單，仲做埋瑜伽，全程唔使出門口都唔會悶。至於拍拖兩年半嘅男朋友 Mark Brunyez 有冇跟埋去？Kelly 就冇講，不過目測去到邊都攬住狗狗，但就有專人負責揸機影相，睇怕 Mark 至係電燈膽，唔怪得網友留言都話 Nala 好命啦！

為咗令 Nala 覺得賓至如歸放假放得盡興，Kelly 準備埋狗蛋糕畀 Nala 獨食。
為咗令 Nala 覺得賓至如歸放假放得盡興，Kelly 準備埋狗蛋糕畀 Nala 獨食。

有福同享，蛋糕唔通Nala都有份？
有福同享，蛋糕唔通Nala都有份？

相中可見，酒店房有廳有房空間感十足，仲有大大個廳可以放地氈玩瑜伽，Kelly 有得做運動而 Nala都可以舒展筋骨。
相中可見，酒店房有廳有房空間感十足，仲有大大個廳可以放地氈玩瑜伽，Kelly 有得做運動，而 Nala都可以舒展筋骨。

Nala心諗：你要keep fit我唔使，放開我呀！
Nala心諗：「你要keep fit我唔使，放開我呀！」

張曦雯Staycation瞓咗晚，床鋪都唔覺亂，究竟係一個人定一pair人呢？
張曦雯Staycation瞓咗晚，床鋪都唔覺亂，究竟係一個人定一pair人呢？

張曦雯著靚靚睡衣，晒「素顏」起床look。
張曦雯著靚靚睡衣，晒「素顏」起床look。