露營地點2023｜10大香港露營好去處推介！Car Camping＋魚塘邊露營＋BBQ
露營地點2023｜1. 元朗白泥生態保育農莊
白泥生態保育農莊設有一大片草地範圍作為露營場地，無論你想體驗帳篷式露營或者觀星露營，營地都一應俱全。白泥生態保育農莊坐落香港最西北面，可以睇到一望無際嘅日落美景，到晚上仲可以望到喺香港好難見到嘅滿天星星。除此之外，你可以一邊享受著陣陣海風，一邊聆聽大自然嘅交響樂曲﹔遠離都市煩囂，投入大自然嘅懷抱。
白泥生態保育農莊
露營地點2023｜2. 粉嶺四季休閒農莊
農莊位於粉嶺流水響附近，農莊佔地160,000呎，夠哂空間感呀！農莊內設有露營區、停車場區、兒童遊樂設施等……仲有超大塊真草地，感覺完全唔似喺香港。為咗配合防疫措施，現時每個營帳最多可容納4人入住，人均消費$125起。另外，營地係寵物有善，毛孩都可以入營㗎！
粉嶺四季休閒農莊詳情
相信每位「營」人喺岀發時，對執拾露營袋都抱疑問，帶多定帶少？攞定唔攞？唔攞就用都無得用救命呀！放心呢個營地正正睇中呢點，設有租借服務如:Cookset、爐具、營具、營帳等裝備……唔識起營，營區內會有職員幫大家手
營內設有多個洗水間同冷熱水淋浴間，淋浴間內安裝浴室寶令淋浴間保持乾爽，減少細菌滋生。以上兩個地方每一至兩小時就會進行大清潔，當然其他設施同草地都唔例外啦！補充一點，洗手間外放置風筒方便大家使用，呢個真係會吹頭髮人士嘅恩物。
露營地點2023｜3.元朗Car Camping森之谷
位於元朗可以Car Camping嘅露營場，設計營地時以用家角度出法，務求令場地更適合露營人士。營地除了可以遠眺雞公嶺外，營地中亦種植咗唔同植物，而當中另一個特色係營火台，享受原始野火露營Campfire。
唔少露友都鍾意野火，但燒地係非常唔正確，亦唔應該提倡；營地明白到有部份營友都會鍾意生火，享受野炊樂趣，所以喺營地前特別區劃咗一個地方。用厚磚鋪成一個特色營火台係上邊生火，就唔會燒到地面。 而且營火台十分寬闊， 唔會燒到附近草地。
露營地點2023｜4.元朗WE Camp
場內三大營區：專屬汽車露營營區、豪華特色露營區、魚塘獨享專屬區，都各有特色，而無論身處任何營區，都可以遠眺元朗雞公⼭，營地最大賣點係備有魚塘邊觀景台，聽聞係全港獨家嘅露營體驗呢！另外，WE Camp非常歡迎毛孩嚟到營地，與心愛嘅主人一齊露營，體驗生活。呢度嘅魚塘獨享專屬區，設計仿效越南嘅渡假屋，對於無得去旅行都可以感受到呢種東南亞風味，真係要好好享受！
露營地點2023｜5.有日 Farm Someday
Farm.Someday位於元朗南坑村，提供野餐和露營服務，4000呎大草地，感覺完全不像在香港！場內分別有幾個野餐位置，兩人約會或一大班朋友聚會都適合。最吸引是在草地中央的白色大帳幕，地上鋪上木板，坐在懶人梳化上度過悠閒的下午，運用野餐工具拍照，簡直一流！
有日 Farm Someday場地詳情
有日Farm Someday
- 地點：元朗南坑村
- 網站：按此
露營地點2023｜6.元朗農樂營彩虹小屋
農樂營露營地點位於元朗，去年完成翻新工程後推出10款全新主題露營小屋，房內配套齊全，設備包括獨立洗手間、冷氣設備、電熱水煲及冷熱水沐浴裝置，每間最多可提供6人入住。價錢方面最平人均$460左右，就可以玩足20小時。以價論價，就同去Staycation差唔多，但勝在可以一班人齊齊玩，夜晚又可以一齊觀星，非常寫意！
農樂營
- 地點：元朗牛潭尾路攸潭美村摯友時光農樂營
- 電話：6606 1660
- 網站：按此
露營地點2023｜7.白泥部落
白泥部落位於石崗，是香港新界區少有大型特色露營場地，設有豪華營、自助紮營區、遊樂休閑區，佔地超過9萬呎。營地更提供充氣小童泳池，彈彈床，小孩娛樂室等多種設施！大家可免費使用共用雪櫃、電陶爐、電熱水煲和餐具，更有寫收費遊樂設施。營地附近都有壁畫村、紅磚屋、跳蚤市場等景點。
白泥部落 Pastoral Glamping
- 地址：八鄉石崗機場路水流田村
- 客戶服務 WhatsApp： 5245 5391
- 客戶服務時間：星期一至五 10:00 – 19:00/星期六： 10:00 – 13:00
- 網站：按此
露營地點2023｜8.喜喜草原
位於香港元朗逢吉鄉，過萬呎獨立草原，可以眺望雞公山絕色美景！營內有獨立燒烤設施、衞生淋浴間、共享冰箱及廚用鋅盤，還有多種露營廚具租借。如果沒有任何露營工具，也可向營地租借，2人套裝（$700）包括雙人營、櫈、檯、爐具、氣氛營燈、營燈、槌和床墊。
喜喜草原
- 地點：元朗逢吉鄉
- 電話：9685 8987
- 網站：按此
露營地點2023｜9.虎地山莊
位於上水虎地拗村嘅虎地山莊郊野學習中心佔地約 22,000 呎，為參加者提供適當嘅機會和設施，使參加者能親身了解自然環境，學習野外考察嘅技巧及戶外體驗，探索香港珍貴的野生動植物及大自然資源，從而提高他們對郊野公園、生物多樣性、植物護理和氣候變化的認識。
露營地點2023｜10. Happy Camping
鄰近香港著名郊遊景點大美督，營地設於海岸旁邊，設有獨立臨海區域嘅私人空間，營地佔地十萬多呎！同時設有有機農莊提供新鮮蔬菜，即收即食。大家唔怕凍，仲可以玩由營地提供嘅水上活動設備例如獨木舟、腳踏艇等……附近還有多條行山路徑，單車徑配套四通八達，上山下海， 分分鐘三日兩夜都玩唔晒！
Happy Camping
- 地點：營地位於大美篤，背倚八仙嶺，面向汀角東海岸，鄰近慈山寺 （顯示地圖)
- 使用營地係需要預約㗎，而預約名額將會以先到先得方式處理，如需預約可到以下連結。
- 查詢電話：5119 6906
有可以兩手揈揈就入住的特色露營好去處嗎？
不想自備露營用品等準備工夫，想體驗一下郊外露營樂趣的話，可以試一下近年流行的豪華露營Glamping，即看：豪華露營Glamping推介；想專門體驗特色露營車可看特色露營車推介；如想親身體驗一手一腳搭建營帳的樂趣，又擔心營地荒蕪，可以到私人營地，營內附有食水、設備齊全，也有淋浴間及洗手間，即看：懶人露營營地推介。
露營需要帶甚麼？第一次露營有甚麼要準備？
露營一般需要營帳、充氣睡墊、電動氣泵、營錘、營燈、水煲、GAS爐…即看露營用品推介