親子行山好去處2024｜10大簡易行山路線推介+小朋友都啱！

親子行山路線推介2024｜復活節長假快到，不少家長也想帶同小朋友一起親親大自然！但行山路線有不同的難易程度，父母帶著一家大小行山時當然要尋找適合親子的路線，長度和難度都要適中，讓大家可以安全地離開室內，來到戶外玩水遊山，呼吸新鮮的空氣，活動身體。如果父母是行山新手，就要尋找簡單易行的短程路線。帶著孩子一同走進大自然，是一個美好的體驗。今次編輯為大家整理了10條適合親子的行山路線，等待著天氣晴朗時，一家大小一同離開城市逛逛，即睇詳情！即睇GOtrip小編為你精心推薦的2024香港郊遊最新資訊：

親子行山好去處2024｜10大簡易行山路線推介+小朋友都啱！

行山好去處2023｜青衣自然徑
 行山好去處2023｜柏架山
 行山好去處2023｜山頂盧吉道
 行山好去處2023｜陽明山莊
 行山好去處2023｜大帽山郊野公園
 行山好去處2023｜元朗大棠紅葉路
 行山好去處2023｜香港仔灣仔峽
 行山好去處2023｜西貢赤徑
 行山好去處2023｜城門水塘
 行山好去處2023｜烏蛟騰去荔枝窩

–

親子行山好去處2024｜1. 青衣自然徑

難易度：★

我們在青衣港鐵站坐248M巴士去長宏巴士總站下車，車程約10分鐘，很快就到了！下車後，沿著寮肚路行大約5分鐘，就會見到青衣自然徑的入口。

開步時下著毛毛細雨，要開遮又要拍照，有點不方便。但好彩，行了一會兒，雨就停了。行了不久，就看到涼亭了。沿途的涼亭

沿途行都有幾個涼亭，也有很多指示牌，不怕迷路。我們沿路見到指示牌，發覺都有幾個野餐區的，不過我們這次沒有去。最初半小時，有平路也有上樓梯。見到第二個涼亭後就不停上斜路或者樓梯。當天天色濛濛，拍照不太美。但我知道這裏可以看到日落的，下次天色好的話試試先！

青衣自然徑地圖這次我們一共花了一小時二十分鐘行完全程，中間休息了約十分鐘。如果行山難度分5星，5星是最難的話，青衣自然徑算是1或2星吧！

雖然多是上落樓梯，但大部分樓梯都有扶手的，所以小孩子都可以行到。不過今次仔仔行到嘴扁扁！不是因爲難行，而是因爲沿途有不少蜘蛛網，甚至會見到大蜘蛛！他很怕這些小昆蟲的，哈哈！行的時候真是不要發夢，唔係分分鐘變網中人！

–

親子行山好去處2024｜2. 柏架山睇蟲蟲、古蹟玩舊式滑梯

難易度：★★

柏架山簡直就係陪住我長大嘅一座山，讀緊小學嘅時侯，差唔多日日放學都會同同學仔行上去，然後傾心事，講吓大家鍾意嘅女仔，依家諗番真係好小學雞。轉眼廿幾年，今日帶住兩兄妹同埋嫲嫲，一齊來個親子行山樂。柏架山最適合一家大細及街方街里嘆個早茶之後去行，因為山腳就已經係鰂魚涌與太古交界，搭港鐵一出閘5分鐘都已經可以行到山腳! 上網碌過話柏架山有海拔532米 (用「海拔」呢個Term好似通常形容超高嘅山先會見到 ^.^)我哋同嫲嫲喺茶記食過早餐，跟住過對面馬路就可以開始行啦! 超方便 (「柏架山道自然徑」個名咁好聽，我記得細個都未有呢個牌楝喺度)

由起點行唔駛20分鐘就去到「林邊磚屋」，前身係太古糖廠及職員宿舍，依家已經係二級歷史古迹，同埋改建為生物多樣性自然教育中心

林邊生物多樣性自然教育中心，可到這連結再睇睇http://bit.ly/2Apgfy5

再沿路向上，會見到「鰂魚涌樹木研習徑」、「金督馳馬徑」、「康柏郊遊徑」嘅入口，不過我哋繼續向大風坳進發

但係聽嫲嫲講，「鰂魚涌樹木研習徑」下面有個戰時爐灶，又話其實穿過「鰂魚涌樹木研習徑」都一樣可以上番去大風坳，所以一場嚟到就跟嫲嫲去睇吓

行咗一陣間就會見到一個古舊破屋，睇上去好似係個廁所，不過都已經俾樹生長撞破石牆兩個八卦細路係都要好奇望一望 (不過大家要小心，因為石牆身後係一個大破口，可以跌落去㗎！)

行行下兩個開始執起樹枝來，哥哥仲話要幫手執垃圾，好在有備以嚟，俾佢哋一人一個膠袋。

見到有個健身設施，兩個又要走埋去做一做運動，兩個要試試自己隻腳可以放到幾高，睇吓自己筋骨有幾柔軟。

想像唔到當時有幾多大個大廚喺度煮飯，個場面一定好震撼，兩個攪笑到匿埋落去，不過我發現如果呢個地方，用嚟玩伏匿匿都應該會幾好玩。行番出嚟就接駁番去「康柏郊遊徑」仲會經過「漁農自然護理署-鰂魚涌管理站」

呢度係是畢拿山與柏架山之間的山坳，望落去風景真靚路過仲有超冰涼山水(不過始終唔多唔少有細菌，所以千祈唔好飲用或者用嚟擦眼睛)

最後終於行到嚟涼亭，可以休息一下啦！今次就唔同小朋友行上天文波波，因為再行上去睇怕要日落先行完，我哋搵咗個位坐低食下水果抖一抖。

來回整段路程都用咗5個鐘先完成，當然如果沒有到「林邊屋」及「樹木研習徑」就一定會時間起碼短番兩粒鐘，正常應該3小時內完成。而且除大風坳一段路，其他位置幾乎都有樹蔭，所以絕對係親子行山其一之選！

路線	起點：英皇道海景樓＞柏架山道自然徑＞林邊生物多樣性自然教育中心＞康柏郊遊徑＞鰂魚涌樹木研習徑＞大風坳＞康柏郊遊徑＞柏架山道自然徑＞回到起點
長度	來回6公里
需時	約三小時
難度	★★☆☆☆
起點交通	巴士2, 2A,77,81,99,102,106惠安苑下車。港鐵，太古城站B出口
終點交通	巴士，港鐵往各區
注意事項	帶備足夠食水，帽及防曬用品(特別經過大風坳一段)

(以上資料更新至文章當日)

–

親子行山好去處2024｜3. 山頂盧吉道賞紅葉、睇小瀑布

難易度：★★

從山頂纜車旁行盧吉道大概用了個半小時由另一邊回到同一個地點近山頂廣場。可能大家有機會都行過，但我去了山頂那麼多次，今次才是第一次行！我覺得這路線也非常適合親子走走，大家如果還未行過，有機會也帶你的小朋友去走走吧！大部份都是平路，許多媽媽也有帶嬰兒車一起行。整條盧吉道也是非常平坦，非常適合小朋友行。而沿途也有許多樹呢！

可乘坐巴士或纜車到山頂起步。在The Look餐廳旁有山徑的入口，其實也非常多人行，隨便問問也有途人可以指引你入口的方向。一邊行一邊可以欣賞香港的美景！

–

親子行山好去處2024｜4. 只有落山陽明山莊易行親子行山徑

難易度：★★

起點在陽明山莊的「盡頭」，記得一定是盡頭的那一個入口，那個入口處有個大閘阻止汽車進入，是石屎路。不要去另一邊的行山入口。

閱讀更多：陽明山莊去大潭水塘行山路線：2小時完成易行親子行山徑

CC覺得好舒服，好寫意，很自然流露做了這個姿勢。我真的沒有教他擺這個甫士，大概真的好舒服，小朋友才會流露他的真本性。

這條路不單易行，還可以欣賞美景，接觸大自然，又有“infinity pool” 的水塘，水塘有好多魚，包括好大的錦鋰，小朋友一定很喜歡看看呢。

我和TTCC都很喜歡大自然，但有時不想行太遠，都會選擇這條由陽明山莊去大潭的路徑。這條路徑我行了很多次，行山、影相、野餐，全程輕輕鬆鬆hea 下只不用兩小時，心曠神怡。去到終點，可以坐14號巴士去西灣河，又可坐綠色小巴去柴灣地鐵站出市區，非常方便！有專家說，想小朋友腦筋靈活，就必須要接觸大自然。精神科醫生都提議如果想減輕壓力，就必須要接觸大自然，尤其對焦慮病人更加有幫助。

路線	陽明山莊大潭郊野公園大潭水塘
長度	1.5公里
時間	2小時
難度	★★☆☆☆
交通	巴士6號、76號、61號、41A號或63號到陽明山莊

–

親子行山好去處2024｜5. 輕鬆行上香港最高山峰市區看港珠澳大橋

難易度：★★

當然山越高，受風大氣溫也越低，像現在秋涼入冬的季節，季候風常到訪香港，體感溫度隨時比市區再低10度，所以登大帽山記得要帶禦寒衣物。不過，其實登大帽山頂有一條很輕鬆的一星路線，全程石屎車路(限制車輛除外)，大家可以由麥理浩徑8段慢慢登上山頂。最直接的方法就是乘座51號巴士到郊野公園站下車，看到大帽山郊野公園門牌沿着大帽山道往上走，沿途會經過扶輪營地。當然你亦可駕車到扶輪營地泊低車後再直接走大帽山道。

在這裏可以俯視香港不同的山峰，由港島區至港珠澳大橋也能一一看到，但相機角度很有限，還是上山用肉眼欣賞吧！

溫馨提示
* 51號巴士大概要半小時才有一班，看清楚時間表才出發噢
*山頂風很大，所以要記得帶禦寒衣物
*沿路全程石屎車路，但有些位置近懸崖，所以帶小朋友行要小心安全
*由扶輪營地出發慢行大概要用1.5小時左右登頂，來回就要用3小時了，記得預留時間
*綠色小屋大閘前有一個觀景台停車位，但假期定必爆滿，不要嘗試挑戰幸運，因山路也常塞車，車一上一落會消耗很多時間

–

親子行山好去處2024｜6. 元朗大棠紅葉路

難易度：★★

紅葉盛開期間，仲有特別九巴68R，直通去大棠，又快又行少好多路㗎！

閱讀更多：元朗大棠郊野公園親子一日遊交通+路線打卡攻略

平常要去大棠，在朗屏站有免費接駁巴士K66，只要坐大約40分鐘便到逹，或者坐小巴$6也可以。 (K66乘客在「大棠山路」落車. (尾二站)

不過，每年也有數天有特別班次九巴，所以，今天我們便在元朗站，形點I商場地庫的巴士總站乘坐68R前往。

不停站的直通巴士，真的飛快，不用20分鐘便抵逹，平常坐巴士也暈車浪的SY：「好嘢! 20分鐘，我唔洗暈浪就已經可以落車~正。」

而且， 68R停泊於「大棠山路」前半段位置， (即省了約15分路程)，我們慢步5分鐘便已到燒烤場下的入口處。

我們再向前走，小朋友還很高興的嘻嘻哈哈，這兩位小朋友一見面就傾不停，子子不停的笑，真的為我們帶來不少歡樂。約10分鐘，我們便已經是漁護署苗圃，SY說：「我記得上年我就係當咗地下啲橙皮係紅葉」(我：上年應該行到E度就差唔多到紅葉終點)。

「大欖林道大棠段」，紅葉真的愈來愈多，而影紅葉的朋友亦開始出現，我們也當然不放過影大合照機會呀!

而我們的目的地「吉慶橋休憩處」正正就在再向前走5分鐘的地方，Yeah!! 我們到逹目楓香林啦!!

可惜，今年有點失望，除了毛毛雨，天氣忽然轉冷外，紅葉還未紅，以政府官方網頁顯示，目前也只是黃-紅的階段，即是可能再過一星期，紅葉可能才會更美。

不過，小朋友不理三七二十一，還是要瘋狂的在地上執紅葉，SY：「子子我哋要執好多、好多、好多、之前就會部掟上天，一定好似落雪咁靚。」

阿太：「得一兩棵咋喎…」； SY說:「我哋都未見到廁所，有廁所就有紅葉」；子子哈哈大笑：「點會廁所同紅葉有咩關係？哈哈哈」

路線	大棠山道路口(大棠山路站)(尾二站)下車 → 沿大棠山道直上 → 大棠郊野公園燒烤場 → 漁護署苗圃 → 大欖林道大棠段 → 吉慶橋休憩處 (楓香林)
難度	★★☆☆☆
交通	於朗屏MTR站乘免費接駁巴士K66 或專線小巴 $6，在大棠山道巴士尾二站下車，並沿車路步行上山約45分鐘到達楓香林

–

親子行山好去處2024｜7. 香港仔灣仔峽參觀警隊博物館

難易度：★★

灣仔峽至香港仔是港島市區熱門路線之一，屬最初級路段。想行呢段路的話，可以先乘巴士到灣仔峽道，參觀1976年成立的警隊博物館，前身為灣仔峽警署，逾700件展品在五個廳展出，包括歷史展覽廳、三合會及毒品展覽廳亭等珍品，值得一看。之後往香港仔水塘道行，沿路是寬闊石屎路，約半小時便看到香港仔水塘，由下向上望非常壯觀，其後沿健身徑走到傷健樂園，設有樹木廊及奇趣徑參觀展覽，認識附近生態，附近更有燒烤場，一家人享受燒烤樂，最後沿香港仔水塘道下山。

需時	1.5小時
難度	★★☆☆☆
交通	中環碼頭或金鐘港鐵站乘15號巴士，灣仔峽道下車

–

親子行山好去處2024｜8. 西貢赤徑行山兼上生態課

難易度：★★★

赤徑是西貢著名旅遊景點，家樂徑全長1.5公里，是一條小環迴徑。今次推介的是赤徑至黃石行山徑！黃石路徑較短，但風景非常優美，走到高處，仲可以飽覽山海景色啊！途中會經過全港十大濕地之一的土瓜坪，可以見到招潮蟹、彈塗魚等，行山兼上埋生態課！另外，香港共有8種紅樹林，而在赤徑已能找到其中7種，如有木欖、海漆、老鼠勒、桐花樹、白骨壤、水筆仔等。

過了土瓜坪後，往鹹田方向走便可以到達景觀開揚的碼頭啦！在此處不妨多逗留一陣啦！呢度仲可以野餐添！

需時	3小時
難度	★★★☆☆
交通	於西貢碼頭乘94號巴士前往北譚坳站下車，到對面馬路就有路牌指示往赤徑的路線

–

親子行山好去處2024｜9. 城門水塘沿途猴子相伴

難易度：★★★

要數又有靚景，又易行的，城門水塘一定是其中一條啦！城門水塘周邊的遠足路線繁多，主線是一道平坦的環塘路徑，平坦易行，上落不多，全程約 8.5 公里，途中有濃密樹木遮蔭及不少休憩點可供休息。城門水塘塘畔廣植白千層，在塘水滿溢時，白千層倒影處處，不少電視劇也來這裏取景，靚景靚樹吸引不少遊人前來遊覽！不過要注意的是，當你欣賞靚景時，可能會有猴子相伴，所以要小心「食材」不可露眼！