女友露營帶電熱水煲 神邏輯令男友狂翻白眼：冇常識有冇得救？
港男上網爆怨女友露營帶電熱水煲
該港男於香港討論區以「我女友去露營帶電熱水煲 佢咩料」為題，指日前與女友孖住去露營時，竟然發現她帶了個電熱水煲。「大佬！佢係真係帶咗嗰啲屋企要插電源，然後啪掣嘅嗰種電熱水煲。」當時港男問女友：「邊度搵個電掣畀你插？」女友竟然回應：「咁大個平地，點會冇啊！唔係人哋去露營點煲水啊？」實在令港男「翻白眼翻到去後面」，對網友呼叫：「冇常識有冇得救？」
網民恥笑港男咎由自取：去酒店或者露營車啦
網民瘋狂笑爆港男，笑稱是港男的錯。「係你冇帶汽油發電機。」又指：「你女朋友係咪唔記得帶拖板？」亦有網民恥笑港男咎由自取，笑稱：「搞到咁為乜，去住酒店好過啦！」或者「改租露營車啦」。
營友話帶電熱水煲好正常：帶發電機咪得
不過有幾位網民留言話自己去灣仔營地露營時，見到的確有人帶發電機或者手提儲電器，更帶備雪櫃、電視、冷氣機，相當大陣仗！該網民再表示，在澳洲露營時，電水煲其實算是必需品，幫口解釋講可能女友「鬼仔性格」，以為香港營地好似外國營地一樣設備齊全，而非大家口中所講——「低低哋」。
網民搞笑回應：千錯萬錯都係你錯！
同時亦有網民搞笑指出其實錯在男方：「醒少少啦，唔識帶電去㗎咩？！」、「你嘔電出嚟咪得囉」、「咁大個平地可以整風力發電！一句就試到條仔唔係做發明家既材料」、「男朋友要帶發電機是常識吧，難得女朋友肯帶野去，求生指數零分再深造啦！」、「你需要一隻比卡超」！
