韓仔體驗澳牛後表示：韓國人唔會嚟第二次
一直在韓國生活的YouTuber —— Ling Cheng最近與韓藉男朋友一起回港，更帶他到處遊走和「食好嘢」。金Ling提到一次吃飯時，男朋友問她「香港係咪間間餐廳都上菜咁慢」，於是決定帶他到光速之首「澳洲牛奶公司」體驗速食文化。剛坐下解釋點餐步驟後，2人便點了必吃的炒蛋多士及叉燒意粉。由下單到上菜，只需15秒便完成了這個過程，速度快得使男朋友驚訝，並指「上菜咁快以為佢係整定，點知原來係即整」。
不過，男朋友用餐的速度亦趕得上澳牛的腳步，不用10分鐘已把整個常餐「解決」。他指韓國人應該來過一次便不會再來，因其「快到想像唔到嘅速度」令人感到不自在，「嚟到好似好頭暈咁，氣氛好似一坐低就想趕人走，連自己都會覺得自己阻住人」，不能好好享受食物。加上一邊食，一邊有侍應清走枱上杯碟，猶如看人眼色般，所以男朋友最後也急急腳想快點兒離開。
不過金Ling亦有解釋，在香港的餐廳若然沒有人清走枱上碗碟，反而會「畀人話」，所以一般都不是要「趕你走」的意思。另外，男朋友入座後很自然拿起枱上的一杯水飲用，坐在對面的金Ling即時「眼都突埋」，此時男朋友感到不妥問道：「呢杯水係用嚟飲㗎可？」但由於港人習慣枱上的水都會先用來洗餐具，甚少飲用，所以起初也目瞪口呆不懂回答，及後跟侍應哥哥確定可飲用後才放心。
韓國人外出只用電子付款 不解香港仍只收現金
其後二人到Cafe會合朋友，金Ling提到香港和韓國最大的分別是付款方法。由於香港仍有很多店舖只收現金，使用慣電子付款的男朋友感到麻煩，指「連韓國大叔都唔會再袋現金出街，咩都係用電子付款」。另外，金Ling亦提到，在香港除了要帶現金外，最重要的還要自備紙巾，因很多餐廳不提供免費紙巾，需額外收費。
