撰文及圖片來源：FB@Little Twin Stars龍鳳寶寶｜編輯：AY
元朗好去處｜錦田半日遊行程 5大景點推介
張家朗＋劉慕裳壁畫打卡 《大叔的愛》台灣市集場景！
元朗好去處｜錦田半日遊1. 紅磚屋市集
雖然奧運已經閉幕，但大家仍可以延續奧運熱潮，沾沾奧運金牌得主的光。原來男子花劍個人賽金牌得主張家朗已悄悄出現在壁畫村，出發前預先搜集資料前往壁畫村，有的教步行，但無說明要走多久，Google map 看又好像很遠；亦有指可以乘搭巴士64K由元朗站或錦上路站上車（但上車點不同，巴士方向也不同，因為壁畫村位於元朗站和錦上路站之間），最後於錦上路站C出口搭巴士64K（錦上路站上，往元朗方向），搭2個站於祠堂村站落車，便可抵達。
一落車就見到「紅磚屋」，外牆由紅磚堆砌而成的室內市集，充滿異國風情，售賣不同手作和工藝品，另外有食肆。
紅磚屋內外影相都充滿藝術感， 打卡一流 。同時亦係「 大叔的愛 」取景地之一。雖然市氣是室內，都裏面沒有冷氣，而且地方不算大。我們走了一圈便離開去下一個景點。
元朗好去處｜錦田半日遊2. 錦田壁畫村
沿住紅磚屋前面的行人路行2分鐘左右就會到壁畫村，不同的壁畫為村落增添色彩。張家朗壁畫更顯香港特色！
戶外地方始終較曬，而且天氣炎熱，行一會兒已變水人，所以無影完就走了。而且村落還有人居住，參觀時要保持安靜，自己垃圾自己帶走，不要影響他人啊！
元朗好去處｜錦田半日遊3. 錦田街市遊樂場
不算是特別的遊樂場，只是剛巧經過，但小朋友見到好想玩，所以我們入了遊樂場玩了一會兒。
始終小朋友都是喜歡玩多過打卡，回頭經過紅磚屋，本想搭車往錦上路站，但豬隊友見到有港鐵站指示牌，提議行返去。結果原來紅磚屋對面馬路有條路可直行到錦上路站，大約步行5-7分鐘左右。原來好近，由B出口行去C出口的路程可能只是由B出口行去紅磚屋距離的一半。
元朗好去處｜錦田半日遊4. 盈匯坊
盈匯坊真的好美，由巨型貨櫃箱組成的商業街，當中有咖啡屋、零食店等，想不到貨櫃都可以滲出歐陸感，形成一個慢活小鎮。
我們在Cafe食午飯，食物價錢相宜，50多元一個飯包飲品，還有台式飲品或咖啡和蛋糕供選擇。
元朗好去處｜錦田半日遊5. 跳蚤市場
好像去了台灣夜市咁，售賣各式懷舊玩具，更發現有部Yes卡機。
最特別是有間「兒童機舖」，小朋友可以玩的攤位遊戲同電動車。每項收費不同，由5元至20元不等，有些有禮物，有些沒有禮物。連冰糖葫蘆和糖蔥餅懷舊小食都有得賣，好像去了一個回到過去的市集。
跳蚤市場開放時間：周六、日及公眾假期 10am-8pm（10點多幾經過時好多店舖都未開，到12點多行過，則開了一半有多）
Little Twin Stars龍鳳寶寶
Facebook：