圖片來源：《新假期》編輯部
搭凌晨機必去１）方便去機場！首爾站汗蒸幕
行街行足咁多日，臨走最好去 汗蒸幕 浸走一身疲勞。Siloam 汗蒸幕主打遊客生意，餐單和設施都有中英文翻譯，櫃枱更可以寄放行李。加上位置便利，可以步行到鄰近首爾站，絕對是坐凌晨機的落腳首選。
平日客人不多，沖完涼浸大浴池完全不迫人，第一次跟朋友肉帛相見亦不會太尷尬。澡堂內仲有只穿着內衣的阿朱媽，推銷另外加錢的全身去角質按摩。在韓劇和綜藝節目，韓國人在汗蒸幕例必會戴上羊角頭、飲甜米釀食雞蛋。現場其實不多，不過問問阿朱媽，她們都會樂意教整頭巾的方法。戴住羊角頭邊歎汗蒸幕，在 40-50℃的黃土窟內爆汗，超舒服！場內仲可以玩埋健身和桌球，玩到攰，男、女睡眠室的環境夠靜，可以好好休息，抵過住膠囊酒店。
Siloam汗蒸幕
地址：首爾特別市中區中林路49
營業時間：24小時無休
電話：+82(0)364-3944-5
搭凌晨機必去２）結識韓仔韓妹勝地
平時睇韓劇，隔住熒光幕睇靚仔oppa，得個恨字。去到韓國 ，當然想識番個正宗韓仔啦。在弘大就有不少酒吧 ，「쏠로포차」hunting bar 打正旗號玩配對。細膽怕醜的朋友可以要求店員安排與不認識的男女客人同枱，唔使主動出擊咁尷尬。如果坐落唔啱傾，就要靠自己要求轉枱啦。
場內全程播住勁爆韓文歌，仲會不時放煙搞氣氛，迫住男男女女要咬耳仔先傾到偈。 男女都毋須入場費，只要每人叫一份食物或果酒就得，平平哋就可以慢慢坐識朋友。不過奉勸各位女士唔好有太多fantasy，因為是絕對遇不到一個好似劉大尉的男人㗎！由於近住大學區， 蒲吧的多數是大學小鮮肉，最多識到個韓國弟弟！
쏠로포차
地址：首爾特別市麻浦區西橋洞363-2
營業時間：6:00pm-2:00am
電話：＋82(0)2-325-5959
搭凌晨機必去３）型爆夜光碌齡
韓國早幾年前就有得玩夜光保齡球，單是江南都有數間，新村亦有分店，對於出沒弘大、明洞的遊客好方便。一走入保齡球場，地下、球道和牆身都有夜光設計；加埋夜光球鞋和色彩繽紛的保齡球，玩得唔叻都可以影相過下癮。夜晚8點到12點是高峰時間，16 條球道經常 full 晒！
이대 놀러와 볼링센터
地址：首爾特別市西大門區梨花女人1街10
電話：＋82(0)2-6373-7005
搭凌晨機必去４）夜貓子夜市
去年錯過了首爾夜貓子夜市 ，沒有關係！因為夜貓子夜市今年又再度登場，今年首爾夜貓子夜市於即日至 10月 29 日，在五個地方舉辦，便是汝矣島漢江公園、東大門設計廣場（DDP）、清溪川、清溪廣場、盤浦漢江公園。每個夜市的主題各有不同，有不同文化表演、小食及創意手作攤檔，總有一個合你心意！雖然不是營業到深夜，但是半夜消遣前的絕佳好去處。
東大門DDP 青春Runway夜市
地點：東大門設計廣場(DDP)
日期：3月24日至10月29日（逢星期五、六）
時間：7:00pm 至 12:00mn
交通：地鐵2、4、5號線東大門歷史文化公園站1號出口
汝矣島 World Night 市集
地點：汝矣島漢江公園水光廣場
日期：3月24日至10月29日（逢星期五、六）
時間：6:00pm 至 11:00pm
交通：地鐵5號線汝矣渡口站3號出口
盤浦 浪漫月光市集
地點：盤浦漢江公園月光廣場
日期：3月24日至10月29日（逢星期五、六）
時間：6:00pm 至 11:00pm
交通：地鐵3、7、9號線高速巴士客運站8-1號出口
清溪川 穿越時空市集
地點：首爾市鐘路區瑞麟洞14號
日期：3月24日至10月29日（逢星期六、日）
時間：4:30pm 至 9:30pm
交通：地鐵5號線光化門站5號出口
清溪廣場 季節市集
地點：首爾市鐘路區瑞麟洞14號
日期：5月19至21日、8月18至20日、9月15至17日、10月13至15日（逢星期五、六、日）
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。
