text：yuki@港女講旅行 photo：韓國觀光公社、相關機構
方法01 | 2016年底 新列車線SRT
全新高速列車SRT於上月正式通車，開設2條全新行車路線，其中一條可以由首爾江南區的水西站乘坐「京釜線」到東大邱、新慶州和釜山。車次都頗密，每30分鐘有一班，車程2小時29分鐘。同以往搭開的KTX相比，由 首爾去釜山 ，全程快了8分鐘，票價平約10%，SRT正價₩ 52,600，比KTX正價₩59,800，平近₩7,000/HK$47！
港女點評：住江南區可以一試！
新列車剛剛通車，韓國網民都幾多好評。不過外國人優惠的Korail Pass並不包括SRT，計勻種種優惠，SRT和KTX的價錢其實差不多，時間亦不過相差8分鐘。不過KTX經首爾、龍山、光明站再南行，所以按自己入住的酒店，住江南區的建議到水西站（近可樂市場、蠶室站）坐SRT。
Info
SRT京釜線
車費：₩ 52,600/HK$350
車程：2小時29分鐘
往返：首爾水西站－釜山站
網站：etk.srail.co.kr
方法02 | 坐《屍殺列車》 KTX
睇過《屍殺列車》的人，相信都有印象，主角孔劉就是由首爾站坐KTX前往釜山。其實KTX京釜線大部分的班次以首爾站為首發，部分班次會由仁川機場、龍山站為出發站，途經光明－大田－東大邱－新慶州－蔚山等站到釜山。車程2小時37分鐘，單程票價為₩59,800/$395，1小時2班車。港女在5年前坐過1次，車廂幾寬敞，加上外國人可以上網預約Korail Pass（KR Pass），以1 day pass ₩81,000/$534計，即日往返首爾釜山拉勻一程₩40,500/HK$267，即刻平咗一截！如果想即日來回睇櫻花，用KR Pass坐KTX是一個不錯的選擇。
Info
KTX京釜線
車費：₩59,800/$395
車程：2小時37分鐘
往返：首爾站－釜山站
網站：www.letskorail.com/
方法03 | 價錢最平！坐高速巴士
坐長途巴士來往首爾釜山，最平的一程只要₩23,000/HK152，比KTX平一半！不過要有心理準備，超過4小時的車程絕對會坐到屁股痛！雖然途中有中途巴士站休息，買零食去洗手間，但港女試過由首爾乘巴士到全羅南道，5小時的車程令我嗌晒救命兼冇下次！唯一的好處是有深夜巴士（約₩25,300/HK$167），對於想趕行程的遊客，可以一覺瞓到釜山，既慳了一晚酒店錢，又可以把握觀光時間玩足全日，深夜巴士確是不錯……（但真的好攰）的交通選擇。
Info
KOBus
車費：₩23,000/HK152
車程：4小時15分鐘
乘車處：高速巴士客運站
網站：www.exterminal.co.kr/
備註：外國遊客需即場購票
方法04 | 時間最快！坐飛機
由首爾坐飛機到釜山，機程大約50分鐘。加上很多廉航往返，價錢多數跟坐KTX差不多（單程約HK$300-400）。不過計埋入機場和check-in的時間，港女就寧願去首爾站坐車，好過專誠入金浦機場啦！
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。