踩場當日雖然是平日，但每條滑水梯旁都出現超長的玩水人龍，所以為了玩齊場內超個 30 款水上設施，早上 10 點一開門便入場吧！因為早上人龍較短，推薦先去挑戰最新的 Mega Storm，大概等 10 分鐘已經有得玩，比下午等成半個鐘一定更化算！
1) 潮跟韓綜 激玩藍色巨型旋渦漏斗
TIPS
朝早及午飯時段（1-2pm）嚟大概等 15 分鐘就有得玩，相反 4、5 點就係高峰期，因為好多人都想在走前玩多轉，所以隨時要等一個鐘！
玩後感
驚嚇度：★★★★★
未玩已經覺得驚，因為個個韓仔韓妹都係咁嗌！尤其最後漏斗離心力最勁，差啲拋咗我出水泡！
2) 攞你命垂直洗衫板
咪以為 Tower Boomerang Go「洗衫板」只係垂直滑落咁簡單，坐上巨型水泡後便會立即被推出滑水道，經過短暫不停兜圈後會突然急速下降，再立即衝上 19 米高「洗衫板」的頂端，離心力大到懷疑水泡脫離滑水道，再 90 度垂直下降衝到終點，認真攞命！
玩後感
驚嚇度：★★★★☆
一共玩了 3 次，覺得 Tower Boomerang Go 比 Mega Storm 更刺激，尤其在最高點下降時有 Free Fall 的感覺，真係嚇到不停嗌！
3) 瘋狂甩尾 掟彎滑梯
怕離心力的朋友可以先去挑戰入門級的 Tower Raft 漂流滑梯，雖然速度較慢，但滑水梯九曲十三彎，不停掟彎時令人感受到飄移的刺激感，而水泡在左右搖擺間不時更會卷起白色巨浪，水花四濺成身濕透勁涼快！不過提提大家唔好掛住擘大口嗌，因為好易會入到水喎！
TIPS
Tower Raft 排隊時間是全場最快，所以建議大家用來攝時間，當其他滑水梯勁長人龍時便來玩番轉，才不會浪費時間！
玩後感
驚嚇度：★★★☆☆
我哋兩個都唔敢玩太刺激的滑梯，又唔識游水，不過呢個 Tower Raft 玩落一啲都唔可怕，啱晒細膽的女仔玩！
4) 拍拖親子樂都得 冧冧豬為你擋水
如果同屋企人一家大細，甚至 BB 豬去拍拖，咁又有咩好玩呢？場中當然有不少「另類刺激」的選擇，當中不少人會選擇去 Adventure Pool 俾超巨型骷髏水桶兜頭淋，2.4 噸水從天而降，水衝大大到 Model Yoshi 差點飛甩比堅尼，嚇到個心離一離！
5) 550 米漂流河
River Way 全長 550 米，坐在水泡上便可緩緩流淌飄浮，小朋友著救生衣便可奮力向前游，放電首選！
6) 必玩沖廁滑梯
垂直跳樓滑梯 Aqualoop 亦是必玩之選，18 米高 Free Fall 加上 360 度旋轉滑水道，刺激度依然十足！
7) 合家歡人造浪
Wave Pool 中的人工波浪高達 2.4 米，小朋友記得要拖實爸爸！
8) 勁爽溫泉池
玩到攰必去 Bade Pool 溫泉池試試水流按摩，公關姐姐透露原來設計結合了德國傳統溫水洗浴方法及東方醫學的健身設施，記者親身試真係勁舒服！
Caribbean Bay
票價：全日W42,000/HK$284（成人）、$W33,000/HK$223（小童）；半日W36,000/HK$244（成人） W28,000/HK$190（小童）
地址：京畿道龍仁市浦谷面前垡里 310 三星愛寶樂園
營業時間：9:30am-6pm（星期六、日）、10am-5pm（星期一至五）
網址：everland.com/
交通：由江南站乘 5002 號巴士，至愛寶樂園站下車，車程約 50 分鐘。
下一頁：玩水團推介 | $759 起 跟隊去水上樂園
延伸閱讀：
澳門兩大酒店水上樂園比拼
日本水上樂園 | 九州水之王國 180M 滑水道玩不停
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。