撰文：Kassidy｜圖片來源：Daisolife@Ig
01｜一次性去死皮網棉
DAISO 除了生活小物以外，其實都有不少美妝用品，這塊去死皮網棉就只是約HK$4 一塊，可以去走手掌跟手背上的死皮，捽晒啲角質層出嚟，立刻皮光肉滑，幾蚊一塊，用完都唔會心痛！
02｜罐頭隔離器
有時食罐頭油浸吞拿魚，裡面往往都有極多油，倒出來之後再隔又會非常麻煩。有呢個神器，就可以將罐頭內多餘的水分/油先隔走，再倒出裡面的食材，絕對方便一眾家庭主婦。
03｜旅行插座
去得旅行都需要一個旅行插座，喺深水埗買一個旅行插座都要HK$40-50！在韓國DAISO內買的話，都只不過是₩5,000/約HK$36，因為是萬能插座，所以不怕在香港用不了，有 lock 跟 unlock 掣令插座更安全。
04｜蒜頭切片器
蒜頭細細粒，要切片非常麻煩，所以呢樣生活小物一推出，就引來韓國人瘋狂搶購，是家庭主婦的恩物，再不怕切細細粒的蒜頭而切到手指頭呢！
05｜膠袋密封器
次次食薯片食唔晒成包，用封口夾夾住又會有空氣走入去，呢一款密封器就可以封實包薯片，唔怕再走空氣入去而令薯片變得唔好食！最重要的是只賣 ₩2,000/約HK$15，在香港買兩三個封口夾都不止這個價錢。
06｜化妝棉膠盒連鏡
女孩子去旅行多數要帶埋一堆化妝棉，不論是用嚟落妝還是敷化妝水，但亂咁放又怕污糟。呢個盒有齊鏡、化妝棉、棉花棒，一次過滿足三個願望，只是筆盒大小，帶去旅行十分方便。
07｜迷你裁紙機
喜歡做手工的人一定需要這個文具，迷你版的裁紙機，唔使太大部阻地方之餘，只賣約HK$22！可以裁到 A4 尺寸的紙張，要造心意卡/手工品都非常方便，唔使再攞鉸剪動刀。
08｜旋轉化妝品架
如果可以將化妝品放滿整個架，一定是不少女生的心願！這個架可以擺到唇膏、粉底之餘，也可以用來放飾物等，而且可以旋轉，不怕找不到想用的化妝品！但尺寸比較大，如果要托回家的話，需要佔上行李的不少空間。
09｜多形狀化妝海綿
曾經有一段時間流行的 Beauty Blender，在DAISO也有類似的化妝海綿，而且有不同形狀，適合臉上不同部位，細緻如鼻翼、眼角等都不會遺漏，每個只是賣₩2,000/約HK$15，比起幾百元一個的 Beauty Blender 平得多。
10｜洗化妝掃矽膠
要洗化妝掃就咁用手洗，要刷好多次先至洗得甩。只要有呢塊矽膠，用化妝掃在上面刷兩刷，就可以將化妝品的殘餘物都洗出來了，而且要晾乾/抹乾塊矽膠非常方便。
韓國 DAISO 分店：首選明洞！
DAISO 雖然在韓國大部分的旅遊區都有，但最大間的定必是去年在明洞開幕的8層高DAISO，一定有齊你想要的物品！但那間DAISO 一般都有非常多外國旅客跟韓國人前往，不想人擠人，可以早少少去到 DAISO 掃貨。
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。