韓國全州 | 外國人專享$71來回！全州韓服打龍

Q: 最新的韓國入境要求詳情？

韓國宣布即日起至2月底，所有來自香港及澳門航班必須使用仁川國際機場降落， 即睇： 韓國入境最新要求限制 。在入境日本前，建議也可買定 韓國電話卡 ，部分更有通話功能，以及選定 心儀酒店 。

Q: 韓國首爾有什麼好玩推薦？

首爾美食多籮籮，即睇 美食推介 ，而 醬油蟹 絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣 獨食餐廳 。玩樂方面，滑雪是不可錯過的活動， 5大滑雪場 適合新手一日遊，亦可到 樂天世界 大玩遊樂設施及 韓服體驗 。另外，也可用幾日時間到釜山玩返轉，即睇 首爾去釜山交通懶人包 。準備到首爾賞櫻花的大家，可預先一看 首爾櫻花預測及賞櫻地點推介 。

正如去日本要著和服瘋狂打卡，去韓國當然要試一試著韓服影相打龍。港女建議大家走出首爾，去到很多韓妹都專誠捧場的全州韓屋村，租番套韓服慢慢影。難得的是首爾有外國人專享的穿梭巴服務，只需要₩10,000/HK$71就可以來回首爾全州，即日往返或留一至兩晚亦得。

text：港女講旅行　photo：港女、상의원、網上圖片

去全州避大媽圍觀

雖則首爾都有不少韓服租用體驗店，觀光局亦都有免費試著，但港女試過著，堅係噩夢。當時我跟朋友著住套韓服去安國韓屋村影相，被半百個中國大叔大媽圍觀狂影（就好似在淺草著和服被圍咁），極度掃興加忍唔住全程黑面，完全影唔到相。全州韓屋村的韓屋比安國的數量要多，保留了800幾棟韓屋，影相打卡範圍更大，去著韓服的多數是本地人，中國團不多見，單是這點已經值得坐這3個鐘車程啦！

搭外國人專用車

外國人優惠巴會在每逢星期五、六、日來往首爾全州，即是只要持外國護照，就可以預約，單程或來回都是一口價₩10,000/HK$71。由首爾光化門朝早8點開車，去到全州已經11點。聽過很多朋友去全州，都會玩1박 2일（兩日一夜）租民宿入住。不過港女只是試過即日來回，著個韓服影下相，食下當地出名的拌飯，5點上車返首爾，過程唔太趕，時間都很足夠（不過有機會都想留一晚，去下全州其他地方）。
單程/來回同價：₩10,000/HK$71
網址：http://shuttle.dongbotravel.com/en/book.html　（英文預約OK）

必去！平著全州韓服店

一直都很想著住套韓服周街走、食韓餐，所以一落車當然直衝韓服店，個人推介這間「상의원」，店內的韓服和裝飾都很多款，港女最愛的粉紅色尤其多，不需特別預約。加上價錢不算貴，普通款最平只要₩6,000/HK$43，可以租用個半小時（另有租3及5小時價），這口價很抵玩。價錢雖然未包髮飾、手袋和鞋，不過每件租費唔過HK$20。店位置距離韓屋村15分鐘路程，不過店前面就是全州川，行下河邊懶有詩意，好多影相位，影文青相一流啊喂！

有普通和華麗版兩種韓服可選，當然價錢都不一樣啦！

INFO
상의원
地址：전북전주시 완산구교동전주천동로 82
電話： 010-8626-8888
營業時間： 9:00am-8:00pm
網址：http://sang21.modoo.at/

下一頁：首爾梨大血拼｜20,000KRW就能買到的全身韓妹穿搭

相關文章：接駁明洞不再迷路！首爾路2017 徒步欣賞首爾景

最新的韓國入境要求詳情？

韓國宣布即日起至2月底，所有來自香港及澳門航班必須使用仁川國際機場降落，即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。

韓國首爾有什麼好玩推薦？

首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。