一向以遊遍世界每個角落為目標的「旅遊狂」，唔多唔少都會鄙視「豪玩豪食團」，覺得呢種旅行唔夠深度、唔夠有旅遊經歷。「旅遊狂」鐘意揹住大背囊周圍去， 越窮遊越有深度！今次我就介紹下位於南非的Emoya Hotel & Spa，因為佢為咗令一眾旅人感受窮人生活的體驗，竟然以 貧民窟 做旅館主題！
Emoya Hotel & Spa
Emoya Hotel & Spa 所建立的呢個人工 貧民窟 叫做「簡陋之城」，入面的建築全部都由鐵皮、廢棄物等等搭建而成，遊客只要花費82美元，亦即當地人半個月的薪金，就可以住入「簡陋之城」體驗窮人的生活方式。
雖然為咗真實感，住客上廁所係需要到茅坑，民眾亦要自己生火等等，但官方卻堅稱「這是世界上唯一一個提供地面暖器與無線網路的 貧民窟 ！」，以防住客接受不了太貧窮的生活。