必備！長途旅行美容品｜日本妹推薦：1塊完成護膚程序、慳位又慳力！

【長途旅行美容品】長期留喺室內/機艙，好容易乾燥，而且出發旅行，當然想帶得愈少嘢愈好啦！但對女仔嚟講，美容護膚係絕對不能妥協嘅一環！今次就有經常喺國內「遠征」旅行嘅日本偶像宅分享，點樣喺長途移動「飽歷滄桑」之後，依然保持容光煥發。

撰文：C ｜圖片：Twitter

長途旅行美容品

CHIFURE嘅保濕系列all in one gel（冇酒精成分），至今累計已售出超過1,430萬個產品，人氣持續高企。1盒有齊化妝水、美容液、乳液、cream、面膜、妝前乳等6種功效。無論係趕時間嘅早晨，定係想偷懶嘅夜晚，都非常推薦使用。

由於並沒有加入酒精成分，因此，就算係敏感性皮膚都能夠安心使用。網友話一盒800円/約HK$56，分量足夠用到半年，用完後，更可購買替換裝，唔使又多一個盒！

ellips係喺印尼峇里島誕生，不需清洗嘅護髮油。膠囊內裝有營養豐富嘅髮油，每次使用一粒。濃厚嘅髮油內蘊含滋潤成分，營養豐富，可從強烈嘅紫外線受損中保護髮絲光澤。

主打1塊就能完成所有護膚程序嘅All In One Sheet Mask，分有美白及保濕兩種款式。柔軟嘅有機棉面膜紙浸滿35種美容成分精華液。

網友話只要去遠地方旅行，必定會帶埋一齊去！面膜夠厚，精華液亦奢侈地多，敷完後，成塊面都好滑嫩水潤！

網友話喺演唱會/音樂會中經常喊，又或長期戴隱形眼鏡嘅人，可以多多使用發熱眼罩紓緩雙眼疲勞，想瞓得舒服啲亦有幫助。

戴上後，眼罩會自行發熱至約40℃，恰到好處嘅蒸氣溫柔地包覆疲累嘅雙眼，溫暖又舒服。