【小臉膠紙】貪靚嘅女生，總係成日唔滿意自己嘅臉形五官唔夠精緻，特別係面形呢個「硬傷」！隨住美妝產品愈來愈「進步」，好多時只需要一至兩件小工具，就能達到整容級效果，甚至連面形都可以改變！最近，日本女星高畑充希喺綜藝節目《しゃべくり007》中分享自己近來鍾情於研究「小臉膠紙」，隨即造成Twitter熱門話題！
撰文：C｜圖片：《しゃべくり007》、Amazon
日本人氣女星・高畑充希都追捧！
日本人氣女星高畑充希近日出演綜藝節目《しゃべくり007》時，表示最近鍾情於研究韓國「使用小臉膠紙的化妝影片」。呢類型影片，目前正以韓國女性為中心大流行，可以睇到使用「小臉膠紙」嘅前後對比。
韓國、日本大熱「小臉膠紙」
「小臉膠紙」嘅外形同膠布無異，係一種貼於臉頰線條嘅極薄膠紙，用以提升臉部線條嘅美容工具。
透明膠紙能完美與各種膚色配合，能夠好好隱藏不顯眼。
「小臉膠紙」使用方法
重點1：沿下顎線邊拉開膠紙邊貼
重點2：將皮膚向上提起，並讓膠紙緊貼在皮膚上
除咗面部線條變得更明顯，就連雙眼都好似被提高咗！感覺變得相當有神！
一盒40片1,280円/約HK$90
節目中雖然冇公開商品名稱，但喺網購平台上都不難搵到設計相像嘅商品。有興趣試用嘅，可以試下喺網購平台搵搵！