撰文：odin | 圖片來源：網上圖片 | 編輯：Bonita | 原文刊於《新Monday》
【Emoji】Z世代表示：老餅先會用！
根據外國統計表情符號（Emoji）網站資料顯示，2020年喺Twitter最常見的表情符號就係「笑喊」（Face with Tears of Joy），而Apple亦都曾經表示「笑喊」係美國人最愛嘅Emojis之一，大家喺社交平台傾偈使用率極高。不過，最近唔同年齡層就出現代溝，直指佢哋已經唔會再用，仲話十幾20歲嘅人，基本上唔會再用「笑喊」（Face with Tears of Joy）Emoji圖案，得上一輩嘅人依然用緊咁話。Z世代更批評呢個Emoji圖案，直指「它很老套」。
【Emoji】最常用Emoji居然被標為老土指標
更有位20歲出頭嘅外國用家表示：「我甚麼表情符號都用，就是不會用『笑喊』，我已停止使用它一段時間了，因為我看見年長的人在使用，例如我媽、我的兄姊，就是上一輩的人在用。」至於點解會出現呢個問題？外媒就訪問咗一位專家，佢指出：「若你長年累月使用相同方法來表示虛擬笑容，它就會開始變得不真誠了，不斷使用之下，那種誇張就會失效。」至於Z世代鍾意用咩圖案？佢哋就攞咗骷髏頭嚟代替「笑喊」，認為呢個符號本來嘅意思係指「我死了」或「我快要死了」，同時亦可以用嚟表示一些十分有趣嘅事，甚至寧願使用真正哭泣嘅符號，因為相比之下，更具極端情感，感覺更加富戲劇性。
