後生Freshgrad同事嘲笑使用表情符號老土
最近，一名香港女生在網上討論區以「俾新同事話返工打表情符號好老土」為題開帖發文，表示日常上班時，都會用電腦傳訊息給其他同事作溝通。由於要用電腦打Emoji比較麻煩，所以樓主返工時都習慣打表情符號代替，例如：XD、lol等等。日前，樓主聽到數名較後生的同事與剛大學畢業的同事聊天，內容是他們認為還用表情符號的同事好老土，更嘲笑樓主「佢哋係咪仲未接受到emoji呢樣嘢？」。
樓主認為，用電腦打字都係「求快」，能夠清楚表達意思就可以。加上，可能大家年代不同，剛畢業的同事未曾使用過ICQ及MSN，所以「佢哋慣咗幾麻煩都要打Emoji」。不過，令樓主感到最不忿的是「我都唔係大佢哋好多，最多咪大幾年，竟然俾佢哋歸類做老土派」。
樓主補充原來公司電腦未必每一部都能夠使用Emoji
帖文一出，立即引來不少網民熱烈討論。不少網民認為打Emoji未算麻煩，最麻煩的是要在眾多Emoji中選擇合適的一個，「 打Emoji唔煩，揀Emoji先最煩 」。不過亦有網友勸喻樓主無需要介意別人目光，或因為別人的說話而影響自己心情，「為咗迎合人哋咪仲老土，自己鍾意方便咪得囉」。有網民指自己都會用表情符號，不過對象只限於同自己年齡差不多的朋友。
另外，有網民問「Emoji都要打？」，他認為無論手機或電腦，都可以直接從鍵盤上揀Emoji，非常方便。之後，樓主有補充，指原來只有Window 10 以上才可以使用Emoji，其他公司有同事還是用Window 7，所以使用表情符號會較為方便。
網民反嘲：你哋00後連影印機都唔識用添啦！
但面對00後的炮火，一眾80、90後網民不以為然之餘，更反嘲00後連最基本的打字與使用影印機都做不到：「00後字都唔打啦，玩慣王者用YY，全部語音算，就算要打都係用音轉字，一句話有N多錯字先係佢地標準」、「好多00後開始時連影印機都唔識用~ 印象最深係見過白背面去影，影極都係白紙，其實影印機上有symbol教」。
另外亦有網民指出00後終有一日都會變老，現在嘲笑人老套毫無意義：「不論任何一代都會有變老土的一日，咁都笑人，先係最老土的行為」、「00後笑人老餅，咪一樣有機會俾老餅笑」。
