港男拒絕支付額外附加費用被趕下
事主在社交媒體上表示，「本人幾乎每日使用 Uber 上下班，第一次遇到如此過份之司機」。該名男子原本計劃從長沙灣前往北角寶馬山，但當他上車並繫好安全帶後，司機竟然要求他額外支付「回程隧道費」。對此，他立刻表示拒絕，並質疑司機的要求，「Uber 唔係咁樣架喎。你第一日揸Uber呀？」然而，司機卻堅持己見，「咁我九龍車，過咗海唔通要吉車返九龍？」隨後，司機司機對於乘客的拒絕感到不滿，連隨即拿出手機取消了行程，並以「我唔小心撳錯掣取消行程，你落車。」為由要求乘客下車。
港男感到愕然，由於時間緊迫，該名男子選擇不與司機爭執，隨即拍攝司機的的士證件後，轉乘另一輛由Uber安排的的士離開。事後，他向Uber投訴了該名司機的行為，並在網上公開了司機的資料，懇請 Uber 立即停止與該名司機合作，維持平台的高質素服務。
網民揭的士司機是慣犯
事件曝光後，許多網民紛紛批評該名的士司機的行為，「Uber 的士係唔可以私下收費，唔想過海就唔好接」、「又要用人平台，又要唔跟人地規矩」、「的士佬質素之差並非浪得虛名」「上咗車唔開車，未start 個行程 ，識玩」「另外收現金？笑X死」「的士佬愈來愈惡」「拒載點解唔報警？」「上左的士拒載可以用香港法例架啦」。
更有網民表示自己也曾遇到同一名司機，「我之前都試過1次，又係call Uber！又係呢個司機！call車由青衣去中環！佢咁呢條友就接咗我order，嚟到我一上車問我去邊，我話中環，佢就一句我唔過海，你張單我取消咗，叫我即刻落車！」
部分網民反寸用Uber叫的士
不過亦有網民反寸事主用Uber為何要叫的士，「叫Uber taxi係貪平？貪方便？花得錢就坐好少少」、「正正經經call Uber咪無事，硬係要call Uber Taxi」、「日日call uber 要求Taxi服務，天才」。事主亦不忿回應用 Uber只是求快，車種並非重點，「罵我用 Uber 但用 Uber Taxi 嘅人，係咪未試過 Uber X 有時要等10-15分鐘先有車？話我應該等都唔應該搭 Uber Taxi 嘅人，我等得搭地鐵啦⋯」加上，樓主補充指通常 Uber Taxi 的司機質素都比較高。
Uber公司後續處理最新消息
事主在昨日（4月24日）收到Uber公司的回覆，公司提供了100元「Credit」作為補償，並要求他移除社交媒體上的相關司機資料。然而，事主回應表示不重視這筆補償，並拒絕按Uber的要求刪除帖文，港男表示：「我認為Uber 無權干涉本人言論自由。再者，的士司機證為公開展示的資料，用以保障消費者。」
網民對於事件的後續發展表示關注，「又唔講有冇罰個司機….」「D公司上左神位，就冇哂所謂初心。」「反映服務質素要求改進，佢地就當你想拗著數」
「出手一百咁庹縮」「一定要企硬！」 「Uber掩口費？」「得100 credits 俾你再call uber, 搭1次都唔夠俾啦」
