網民：「MK妹真係好鍾意Tesla」
近日有網民以「MK妹真係好鍾意Tesla」為題出post，發起討論。內容指「見啲女仔如果call uber call中咗Tesla的話，基本上都會Po IG story」。網民又提到有朋友換咗Tesla後，一年內已經極速換了3個女朋友，形容Tesla簡直是「媾MK妹神器」。此post一出，意外獲得不少人的認同，指「平時啲女一見到Tesla就坐前座」、「Tesla以前啱啱岀就話吹奏貴車靚車就係囉，而家過咗咁多年，變咗窮人恩物腳車一部，但啲妹妹仔仲好似信徒咁，仰慕Tesla人」、「同iPhone原理一樣，以為好威」。
而最多網民的觀點，為以下2大點：
第一點：「女人普遍唔識分咩車，Tesla夠出名，其實唔知咩價位」
網民指：「女人普遍唔識分咩車，T車最平都3-40萬，佢哋已經覺得好grand，何況mk妹，馬莎都唔好expect佢哋會識」。
第二點：「女人覺得Tesla個設計真係幾特別，又易認，夠晒吸晴」
網民指，身邊大多數的女性都認為「Tesla個design又真係幾特別，無話打後生仔定老年人市場，你一望唔洗睇T章就知係Tesla」。
港女反駁唔係個個都鍾意：好唔舒服！
不過亦非所有港女都表示喜歡坐Tesla，有女網民表示「Tesla唔係坐得好舒服」、「的士仲好坐過Tesla」、「當我哋傻㗎？我哋都識分車種㗎，你係有錢同正嘅，揸咩車都有人鍾意㗎啦」、「墊頭嗰個位搞到條頸唔舒服，屈住條頸，要挨過去冇墊嗰度。車身又矮，成日頂住個頭，搞到坐親都要打斜個人」、「Tesla得兩樣嘢吸引，遙控開冷氣同寵物mode」。而有男網民指「其實唔係Tesla都識到女仔，事實大把人揸部錢七都得」。
重溫連登仔吹奏TESLA＝媾女神車 列3大優點捧到上天！
早前都有連登仔於討論區出文，問及一眾網民揸Tesla是否「媾女神車」，有網民就認為揸得Tesla就是財力象徵，優點處處。
TESLA 3大優點丨1.財力象徵
網民指，就算是二手Tesla最少都要$23萬起跳，直言「「保費一年都萬幾啦，供車$6,000，保費$1,000，車場$4,000，唔計你平時出街泊、抄牌、電費、一個月都萬幾，拎得出萬幾你會同條女租樓定買架車？未計好多人有車有樓」、「價錢平，優越感強，啲女唔識車價以為你好有錢」。
TESLA 3大優點丨2. 唔使入油好有型！
亦有網民道出重點，認為Tesla是電動車所以無需入油「好有型」，「聽過有條囡講啦，佢㗎車唔洗入油㗎，個語氣好炫耀」，又指出因為可以優先使用充電車位的關係，所以月租車比起時租車更有權利，「聽過有條友周圍同人講佢部Tesla條避震要20萬，但成日喺房署車場講自己係月租車有權利較時租車優先使用充電位」。
TESLA 3大優點丨3. 車主特別有優越感
另外有Tesla車主都分享遊車河特別開心，直指將Tesla停泊在路邊時，邊開住冷氣邊傾偈，車輛都沒有引擎聲又無廢氣，不會影響人。亦有網民覺得揸Tesla特別有優越感，「一般唔熟車嘅女人對Tesla嘅印象就係股價貴（同車價掛鉤）、Elon musk好勁、充電好與眾不同、有個大螢幕可以睇Netflix」、「無錯，的確係溝女神車」、「女就唔知，我只係知小朋友當Tesla係神車」、「唔識車嗰啲女，咪覺得架車好先進喎」。
