大尾篤 Tamora cafe 新開業成網紅打卡熱點
位於大埔大尾篤的Tamora cafe，於上周五（22/9）開業，店舖由韓國夫婦主理，Tamora一次在濟州可以解作為「小島團聚」，三層連天台的建築採用現時流行的水泥風以及紅磚設計，簡潔設計加上多塊鏡子非常有空間感！三層連天台的建築配上湖林景，唔使搭飛機已經彷如置身韓國濟洲島，而且店舖採光度夠高，在陽光普照的情況下，有自然光加持，照片靚到可以唔使用後期調色！因此開業不足一周已經成為網民熱棒的打卡新地點，加上這裡是寵物友善Cafe，因此不少人都會戴上愛寵來relax！
1.大尾篤 Tamora cafe被公審？！做唔切、截龍頭成熱議
不過就有網民在Facebook群組「Facebook@香港X沖咖啡關注組」怒罵店員安排不周：「排到頭位同我講，做唔切要停30分鐘，成班伙計係度膠流流，截龍唔係截尾，係截頭。」港男表示當時希望店員可以做多杯咖啡，不過對方就黑口黑面說到：「見唔到我哋做唔切咩。」令事主怒火中燒在帖文中鬧爆：「你專賣打卡位，不如係門口收入場費算吧啦！」又指當時係平日，僅有6到8位顧客排隊，而收銀處則有6到7位員工，因此事主認為在人手充足的情況下仍發生上述情況，長假期必定會出現應接不暇的情況，帖文引起網民共鳴。
2.大尾篤 Tamora cafe 收費貴 網民爆料豆腐渣工程？
其次，不過網民認為 Tamora cafe收費高得離譜，凍齋啡盛惠60港元，而抹茶Latte就要75港元，而且仲要唔好飲，令人樓主直言：「杯啡真係經典啊！朋友應該頭一啖已經放棄，相信真係冇乜可能有下次！」，有網民表示與樓主同日去Tamora cafe，更要坐在對方附近，表示「你買唔到係好事，因為真心難飲，純打卡，去一次就算」。更有網民笑言：「飲地租同裝修」，不過就有疑似有份參與Tamora cafe建築的網民爆料「裝修用料極X，完全唔知想點，個幾級樓梯冇好嘢」，更指出落一兩場大雨隨時出事！
3.大尾篤 Tamora cafe唔收現金 Matt Leung：以物易物？
最後，樓主怒斥大尾篤 Tamora cafe「唔收Cash，唔收Octopus」，引起不少網民嘩然，就連Matt Leung都留言表示：「唔收現金又唔收八達通，係咪要以物易物！」
網民為Tamora cafe平反
不過亦有網民為Tamora cafe平反，認為店舖新開張員工仍未熟手，需要時間：「唔好勞氣，佢哋上星期五先正式開業，俾啲時間佢哋run下，成班staff可能都未磨合到去做嘢」、「我係英國做cafe都好忙好多人，我哋都係截龍頭㗎，咁樣先可以維持到秩序，只係通常每暫停5分鐘就再接單，就大家happy！呢間cafe hit 到咁，呢期應該長期爆晒單，啲咖啡師心情唔會好得去邊」、「認真要提升咖啡水平，直覺這店較像店主的玩具，裝修手工雖普通，但大空間偏遠地區要收支平衡不易。」又指出適逢cafe剛剛開張，香港人必定蜂擁而至去打卡：「明知打卡又要去，過一排先啦！」、「呢間近來勁多IG Foodie sell！但唔係sell啲啡好飲，係sell佢個環境似濟洲適合打卡」、「新開個個都去啫」、「咁多KOL打卡，預咗爆到七彩」
Tamora cafe詳細資料
| Tamora (大埔) | |
| 地址： | 大埔大美督村46B號地舖至2樓 |
| 營業時間： | 星期一到星期日 2:00-19:00 （Last Order : 18:00） |
| 前往方法： | 從大埔站乘轉小巴20C、20R，或者巴士75K到大尾篤總站下車，步行3分鐘邊到達 自駕可以停泊在咖啡店旁邊的公眾停車場 |
