最近有名網民在Facebook群組「中伏飲食報料區」發文表示，早前在KFC Facebook專頁留言投訴，買到一隻與普通打火機尺寸無異的雞槌。KFC官方facebook職員則以「KFC上校」自稱，並以罐頭式回覆事主投訴：「KFC上校會將大家的意見反映給有關部門。」看到這個罐頭式回覆，事主更為「火滾」，留言炮轟KFC：「上校死咗好多年，即係農曆七月十四先可以反映，佢老人家就快畀你哋激到翻生。」
如此精警的留言瞬間引起不少網民討論，有網民表示：「上校係西人，唔關七月十四事，個公關應該要轉介俾上帝，等上帝安排上校由天堂落嚟處理」。也有人指：「一年先見到上校一次，儲埋咁多投訴，得閒聽都唔得閒改善」。也有網民留言指，要向上校報夢才可以反映到香港KFC每況愈下的食物品質問題。
香港KFC品質欠佳屢見不鮮 網民：地球上仲有無第二間KFC難食過香港KFC？
近年香港KFC時有被投訴，在Facebook群組、官方Facebook，甚至各大討論區都會見到有投訴KFC食物品質的文章。曾經出現過的投訴包括炸雞太細、沒有雞的脆雞卷、鬆餅未熟、冬瀛蕎麥麵的醬汁變齋啡、炒蛋變碎蒸蛋等。看來香港KFC想贏回港人的信心就要加油了！
而直到此次事件後的3個月後，再有網民於Facebook群組「中伏飲食報料區」抱怨「KFC啲雞真係愈黎愈『大』件」，從照片可見事主將KFC雞槌與Tempo包裝紙巾作比較，雞槌的大小竟與包裝紙巾無異，令網民笑言：「嘩，你包紙巾咁大包嘅」、「KFC轉行賣乳鴿好耐」、「嘩！食唔食得晒？」，看來網民的投訴仍然未能成功令KFC改善食物的質素！
