辭職後日日被催交hangover list　港男不甘用離職Email反擊惹爆笑

不少打工仔都會把「辭職」掛在口邊，日日都想炒老細魷魚，假如與上司意見不合，成日面阻阻時，除了影響工作表現，也會影響到自己的身心健康，「辭職」看來就變成唯一出路。有網民在社交網站上分享同事辭職故事，指有位前同事「每日都同老細鬧大交」，最後前同事決定遞信辭職，由於同事負責數個大 Project，在他遞信後每日被老闆在 email 追「hangover list」，前同事一直懶理，更以離職Email反擊串爆老細！

hangover list 同事和老細日日鬧大交，最後決定遞信辭職 — 同事和老細日日鬧大交，最後決定遞信辭職（圖片來源：電影《受夠了！我要炒老細》劇照）

日日與老細開火終辭職老細日日追「hangover list」

網民在 Facebook 專頁奴工處投稿，分享一位舊同事經歷，拍有位前同事日日「與老細鬧大交」，最後他決定遞信辭職，而因為該位同事手頭上有數個Project，老闆想知道工作進度以便他離職後可以交由其他同事跟進，但卻想迴避跟他的面對面接觸，因此每日以電郵追問「hangover list」。

無視老細要求 Goodbye Email串爆老細

辭職同事一直懶理老細要求，直到 last day 也沒有把清單交給老細。最後，這位同事決定在 goodbye email 串爆老細，解釋沒有給「hangover list」的原因。他在電郵指：「好抱歉一直 hangover 狀態，唔知要 list 啲咩出嚟，但係如果你想要 follow up 嘅 handover list，我諗睇返 email 最方便，所有嘢一直有CC你」文末以「All the best」串爆老細，引來同事爆笑。

hangover list 事主goodbye email反撃引起同事爆笑 — 事主goodbye email反撃引起同事爆笑（圖片來源：TVB《怒火街頭4》劇照）

網民大讚好波亦有人勸留一線

不少網民都對事主行為心感佩服，大讚好波，留言指：「呢個人肯定係有料既人，玩返老細轉頭，佩服」、「唔講即係唔緊要啦，所有嘢有cc俾你你都可以唔知進度嘅，咁你返印度食蕉啦」、「串返對方錯別字，猛」，亦有人不同意事主的處事方式，指「個世界好細。香港更細。佢好識玩，但其實係玩緊自己」、「責任感問題，無論上司點衰，我都會完成本份，唔會為 D 咁既人破壞自己既宗旨」等等，認為事主行為不值得大家模仿。