「可愛貓咪影片」Google Docs竟然內藏玄機
事主於dcard討論區出post，指自己與女友拍拖一年多，現今同居中，一直相處都ok，大家都無咩秘密咁，就連手機密碼大家都知道，可以隨便睇。有日因為事主的電腦送咗去維修，所以就借女友的電腦工作一下，跟住用google drive時候發現一個做「可愛貓咪影片」的Google Docs，樓主就好奇到底貓貓幾可愛，要喺google drive開一份文件去紀錄低。打開後，發現入面真係全部都係可愛貓貓的影片連結，所以稍為睇咗下就打算關，黠知喺呢個時候，樓主發現呢個「可愛貓咪影片」的Google Docs有唔同版本的紀錄，好奇之下睇吓，整個紀錄令佢「傻眼了」
用Google Docs嚟傾計偷食
事主放上「可愛貓咪影片」Google Docs的截圖，完全係一個對話般的截圖！內容上一開始男方入咗50000台幣俾女方，叫女方陪佢食飯再上佢屋企，女方問到係咩餐廳嚟，男方就表示係牛排店，有啲貴，但只要女方跟住佢就可以成日有得食，女方反應都係感謝。男方又表示上星期無見到女方好掛住佢，又話所以今個星期「不用戴吧」女方就表示唔可以，男方就調情般表示加點零用錢俾女方，然後結束了對話。
事主女友起初否認 後來承認：但是錢太多了
事主表示睇到個內容真係覺得好好噁心！整個人完全係崩潰狀況，完全冷靜唔到，無諗話瞓喺自己隔離嗰位竟然係咁的人，事後女友回家事主就即刻同佢表態，起初女友係否認，仲話係朋友發比佢的「幹文」，後來事主問咁send email問吓到底共用呢個Docs嗰個係人邊個，女友無得再兜的情況下就承認咗。原來呢位「共用Docs」的人係佢離職前喺包養網站識的一位大叔，慢慢就發展成而家呢個關係，呢位大叔每個月都會俾50000台幣佢，佢自己都覺得好有問題，但無奈錢真係太多，所以就一直維持到現今，女友仲強調真係每次都會戴套套。最後女友知道唔可以再咁樣落去，只希望事主唔好將呢件事講出去，而事主都同意了，不過事主認為有啲情緒需要一個出口，就唔開名放咗上討論區，叫大家當笑話一則睇吓就好。
網民：下次改名「通識課報告」應該就無事
唔少網民睇完都非常震驚，原來Google Docs竟然都可以成為偷食招數，覺得而家啲人為咗出招真係乜都諗得出，對話內容真係令人頭皮發麻「想到是一個中年大叔跟年輕女生的對話就真的噁心到好想吐…」「上班的時候會跟男友用google文件聊天 因為這樣不會被發現在偷懶 沒想到有人用在偷吃耶」「用Google 文件真的第一次看到」「為什麼要用文件編輯，是不是不只一個大叔要記錄」「能想像你打開文件夾那剎那 電腦螢幕是綠光」「笑死連字體都散發老人味」「真的超噁心，到底是有什麼毛病才能選這兩種字體跟顏色搭配，設計系看完起疹」「大叔要五萬還要戴，你免費」「偷吃的招數越來越高明」有網民又笑言偷食女生只係差在一步改錯咗Docs的名，認為「可愛貓咪影片」真係太吸引，如果改成「通識課報告」應該就無事「下次記得取個“通識課報告”，應該就不會被點開了」
