男友生日送手作銀包 伯母超嫌棄句句有骨
早前男友生日，由於男友仍然使用前度送給他的銀包，於是網民特登到DIY銀包的Workshop親手做了一個皮銀包送男友作為生日禮物，豈料與男友家人吃飯時，被男友媽媽以半笑半帶骨的語氣嫌棄：「我個仔平時都用開啲名牌，你整嘅銀包靚係靚，不過cheap咗啲囉」。
仔仔力撐女友 女友擔心未來婆媳關係
聽到自己用心意製造的禮物遭嫌Cheap，令網民大感無奈。雖然男友即時幫口「名牌都唔靚 佢送比我嘅好靚呀 睇落好高級 點會cheap」，但由於男友家境不錯，男友媽媽亦周身名牌，使她不禁為未來的婆媳關係大感擔憂。
網民大讚：男友反應唔差，神隊友！
帖文發出後，不少網民大讚男友表現好，稱得上神隊友，有網民認為「婆媳關係最睇個仔識唔識主動兩邊tum姐」，更安慰網民「自己整更有價值同意義呀 反正所謂名牌都係一嚿錢姐」。另外有網民提醒「你唔好同佢媽咪硬碰 要靠男朋友喺中間幫手 佢會講你講好說話 維護你係一件好事」。
網民力批伯母：睇唔起人，GG味濃！
除了網民大讚男友表現外，亦有不少網民力批伯母GG味濃，看不起人，將名牌和有錢掛在一起，有網民指伯母應該不知手作分分鐘貴過她身上的名牌，他表示自己母親喜歡去皮革workshop，用料比許多名牌好，又有導師專門教導，更表示「係買皮同學費已經貴過出去買名牌 都未計時間成本」。
資料來源：Dcard討論區
