arhoTV終上水道歉＋承諾退款 被揭發疑似自己開新ac扮支持者帶風向
日前「arhoTV」在呃錢事件後終於上水，上載新片「公告」向網民坦誠錯誤，指自己「經過多月來的反省和檢討」，「希望可以正視自己的問題，為我們做了的錯事，實在地承擔應有的責任。」他們宣佈會退款給「對我們感到失望和失去信任的大家」，並會以「港幣現金價回收arhoTV這麼多年來自己推出的產品。」
Sunny 更承諾會在2022年11月14日至2022年11月20日，下午1時至晚上11時於地點太子荔枝角道149號地舖，親身在現場處理退款事宜，更會「親口跟大家道歉」，同時亦表示「我們也會汲取今次教訓，將來會做得更好」，態度相當誠懇。
不過影片下方的留言就被網民揭發Sunny疑似自己開新Account扮支持者帶風向，留言「貨就唔退，希望你哋繼續努力拍片，繼續支持你哋，加油！」選擇不退錢來營造有人支持的假象，而該帳號當時更被發現僅新加入22分鐘。
大J質疑arhoTV無心退款：手寫單據反面教材
但今日（11月18日）另一名YouTuber「大J」就在Facebook專頁上載了一張由Sunny手寫的收據，並語帶諷刺地指Sunny無心退款，同時他也指出Sunny用「收據」而非「退貨單」作為退款單據，「其實又係唔係正確呢？」：
手寫單據反面教材。
一般嚟講最上面嗰行，係「茲收到 From」
你去食飯買嘢，人哋舖頭開單俾你，呢度就係寫你個名/或者公司名。
相片裏面呢間，就開返單俾自己…😂 呢個係第一錯。第二，我諗佢應該係想寫HK$317
港幣$317 蚊，正確寫法應該係「叁佰壹拾柒圓正」
參捌拾七元正即係幾多錢？😂
3，8，17！
準備投身社會嘅年青人，千祈唔好學佢哋咁👍🏻
大J在1小時後再在留言更新完整收據相片，「佰」字可能是因為角度問題被遮，不過他就提出另一疑問：
張單原本係咁嘅，可能個佰字係摺起咗睇唔到
但我又有另一個疑問… 好混亂… 到底啲單係開俾邊個？邊個開？
上面下面都自己公司名，自己開單俾自己？
網民齊恥笑：人哋玩開元宇宙全部虛擬嘢，鬼識實體單咩？
大J的帖文引起大批網民熱議，不少網民都指Sunny連中文字都唔識寫，「真係忍唔住笑」：
【寫英文啦！不過呢…】「寫Three Hundred Seventeen dollars only就清楚晒啦，不過前提係要佢哋識英文先」
【虛擬嘢佢哋就識玩啫】「人哋玩開元宇宙全部虛擬嘢，鬼識實體單咩」
【唔係連Google都唔識呀？】「Google數字大寫真係咁難？」
【中英都唔識，阿拉伯數字識啦卦？】「好心Sunny唔識寫就唔好學人寫中文啦，寫$317無人話你㗎」
【一睇就知唔上心】「其實真是笑唔出……依家啲人中文唔得，英文又唔得，寫張單都咁難睇……肯用心的，上網搵吓都有教啦！」
網民怒轟arhoTV退唔足錢：唔講清楚浪費時間！
另外有網民在連登討論區發文，怒轟Sunny「退錢退唔足」！事主指早前他在市集內買了一盒arhoTV口罩，但一直沒有使用。之後今日到場欲退錢時，卻被告知因為他的口罩並不是完整包裝，就算有盒而且未曾使用，口罩亦只能退$40。Sunny的做法令事主怒轟「少個套少80蚊，又唔講清楚，我DLLM啦退得咁L冇誠意，唔好L退啦，浪費我時間！」
不過就有人指事主口罩屬醫療用品，「無晒包裝都唔知用過未」，直指「佢肯退算係咁」，反而力撐Sunny無退少錢。
