嗌85折的士豪畀20蚊貼士　要求幫手搬20公斤「伏物」　全行鬧爆：當我傻仔

現時越來越多送貨、搬運服務，基本上隨傳隨到兼方便之餘，收費亦十分相宜。不過，總有人會希望以「最少錢買到最多服務」。早前，一位的士司機就在網上分享自己接收到的乘客訂單，直指有乘客在叫車App中寫明「貼士＄20」，但就要司機在載客的同時，幫手搬重物。這張訂單引來不少的士行家熱議，更怒轟這位乘客極不尊重，「當的士司機係地盤工？」。

85折的士拒載的士司機示意圖，非當事人） — 一張Call的士訂單令全城的士司機鬧爆。（示意圖，非當事人）（圖片來源：TVB《降魔的》劇照）

豪客大手筆出「20蚊貼士」Call車　背後提一要求幫手搬20公斤「伏物」

不少Call車App都十分方便，而且可以在叫車時清楚列明人數或其他要求，盡量達到雙贏局面。不過，日前就有的士司機分享在Call車App上收到的無理訂單，直指有一名乘客在Call的士由粉嶺永寧圍前往聯和墟公廁，除了提出會按咪錶顯示的價錢付車費（即毋須折扣）外，竟主動提出畀＄20貼士，相當豪氣！不過在備註則例明：「幫手搬幾包英泥，約20KG」。

85折的士拒載的士司機乘客提出額外付20元貼士，要求的士司機幫手搬20公斤英泥。 — 乘客提出額外付20元貼士，要求的士司機幫手搬20公斤英泥。（圖片來源：Facebook@的士司機資訊網Taxi）

行內司機極鄙視「西豪客」：你當我哋無腦㗎？

深知「無咁大隻蛤乸隨街跳」的司機十分心水清，先不論以20元「利誘」司機幫忙一事，而是質疑「英泥好似係45kg一包」，而非乘客所指的「20kg」，又指訂單由粉嶺永寧圍前往聯和墟公廁的車程很短，「支旗好近，唔使跳（錶）」。以現時的士車資計算的話，不用跳錶的價錢為27元，加上乘客提供的20元貼士，即用47元要求司機載客、載貨兼落手搬。更有行家指英泥有機會弄髒車廂，假如真的接單的話隨時要承擔額外清潔費及工傷的費用，絕對得不償失。

85折的士拒載的士司機英泥重量十足，兼且容易弄髒車廂。 — 英泥重量十足，兼且容易弄髒車廂。（圖片來源：Unsplash@Anaya Katlego）

當的士司機地盤佬　知情人士：的士唔可以送貨㗎喎

事主的訂單引來大批的士司機熱議，紛紛怒斥乘客的要求「搵笨」，「明顯因為搵貨van貴」、「唔想出錢又要搬，咪搵的士笨」，又揚言在乘客眼中「「的士佬要擔埋泥？」、「當我地係地盤工？」更質疑「呢支旗有冇人會接呀」。亦有行家表示無緣無故幫乘客運貨有風險，「唔打開點知係唔係真英泥」，故他們均力撐事主拒絕接單的行為。