港女被嗌做「阿姐」即暴走
近日，有港女在討論區發文，指「去買嘢果陣俾人叫阿姐，即刻唔想買…」，她在帖文中指自己只得二十幾歲，但有一位目測比她年老的收銀員在她付款時叫她做「阿姐」，事主即時感到非常生氣，又表示「做咩要叫我阿姐，叫到我老晒咁！」，令她失走購物意慾，並即時扔下貨物轉身離去，直斥她「咁唔識做生意點得㗎」。最後她「好嬲發脾氣扔咗件貨」，憤然轉身走人。
建議稱客人做「靚女」
事主似乎也不是第一次經歷過相似事件，她表示「成日去買野，明明果樣野好想買，但對方叫你一句阿姐，就即刻唔想買」，她也建議做生意的話，大家要用「靚女」或「阿妹」稱呼女客人，認為這種稱呼才討客人歡心，客人高興才會回頭再買。
網民斥事主小器和太過自我
不過有較多的網民認為事主小題大做，紛紛留言斥事主小器和太過自我，「你都唔使咁介懷，都係一個稱呼」、「咁成街人都叫你阿姐，咁係咪唔使買嘢」、「唔叫你亞嬋你仲想點」，有網民反問「如果人哋嗌你做姐姐或姐姐仔咁嬲唔嬲？」；也有人笑言事主情緒太激動只會加速自己衰老，又指「你咁容易就發脾氣，真係會老得快變阿姐，講真㗎」。
有部分網民同意：90歲婆婆都要叫佢做阿妹
帖文引起網民熱議，有不少女網友都表示有過相同的經歷，也有人指自己因為中性打扮被店員誤會為男性，「成日畀人嗌靚仔」。有網民則認同港女的說法，指店員「唔夠醒目」、「你啱，都唔識做生意」、「街市阿叔叫個90歲婆婆都係叫阿妹咋」等等。另外有網民更分享另一實例，指「我尋日喺超市見到個約30幾歲男人整理物品，有個人問佢呀大叔乜乜乜…個男人即刻發晒脾氣，好大反應嬲爆咁話呢到冇大叔呀！冇呀冇呀…原來呢樣嘢無分男女！以前仲以為只有女的先會咁介意」。
