00後興起住安老院當度假 激讚包食包住好過返屋企
早前，有2名00後的女大學生拍了一段影片，片中談到自己入住安老院的生活多姿多采。起首二人走到一間安老院問可否入住時，指自己要「少走40年彎路」，提早入住安老院當體驗。二人被安排入住一間有2張單人床的房間後，全程表現得非常興奮，事關房間內除了有2張相當闊落的床位外，還有落地大玻璃，非常開揚，2人更即時「跳落床」表示興奮。而房內的獨立廁所亦相當大，令2名女大學生都感到非常驚訝。
安老院設施好比豪華酒店 激讚院內生活精彩過年青人
而最令2人歡喜的是，除了有極大的公共空間外，安老院內還有唱歌設備、麻將枱、電腦、運動設備等，入住後不但可以跟院友「一齊唱K打牌」，還有婆婆在玩股票，2人即時搭訕求介紹，哄得老人家們捧腹大笑。而院舍職員更表示每天會送早餐到房間以供享用，更有「叫醒服務」，令2名女大學生感到超驚喜，更追問「可以安排靚仔叫醒我嗎」，職員即表示可以，令2人相當興奮。
而令她們激讚的還有飲食安排方面，更指相比家中及大學宿舍的膳食還要好，「月租3,000-4,000元包食包住，還有娛樂，真的令人不願回家」。
內地網民：大學畢業立刻去住！
片段一出，旋即吸36K人讚好，更有過2千名網民留言，指「嘩，原來安老院生活咁好，點解我哋仲要喺出面畀幾千蚊租金」、「3,000一個月，我去，等我錢賺夠了我直接入住養老院好嘛」、「大學畢業一齊去，又平又有人服侍」、「明白了，賺夠錢就入住養老院，一氣呵成」、「真的有那麼好嗎，3,000元很不錯喔！」、「有的養老院有3天2日試住體驗，只要$200，好抵住，當酒店度假都好」、「還以為安老院是殘舊又悶，想不到那麼好玩」、「我有好多同學都話願望係住安老院，3，4000蚊有人服侍，好過出面租樓又要捱又要逼」。
網民持相反意見：會有入無出啦！
不過亦有網民指這些安老院根本只有少數是漂亮，其餘大部分都是很差待遇，「好多安老院環境都無咁好，真係等死，呢幾年睇咗好多安老院，真心壓抑，就算幾靚都好，你日日喺度又唔可以出去玩，真係會人都癲，然後望住院友逐個逐個走，邊有你講到咁好」、「入咗去就可以隨隨便出嚟咩，仲話自己大學生，竟然講得出入去住好過返屋企」、「而家啲00後係咪玩到無嘢好玩，安老院都可以當酒店？」、「你咁玩3日2夜，搞貴晒D租又無位，到時咪又係又要搶又要食炒價，有病啊？」、「呢班人真係讀死書，讀到大學出嚟話目標係住安老院，死得啦」、「你一長住就知驚啦，班人無腦㗎，完全唔識死」、「那不是你可以去的地方，那裡是人生的終點站，每隔一段時間就有人走了，不是錢的問題」。
