黃大仙中心水浸上頂 牛奶冰室被淹沒！
今次黑雨，香港損失慘重，而黃大仙更是重災區，地鐵站、商場都大水浸，從網上瘋傳的圖片可見黃大仙中心北館水位已到一、二樓層的高位，而地下的牛奶冰室更被淹沒，相當誇張。有市民表示今朝7點還可見到仲見到餐廳內部，但轉眼間水位已淹沒招牌，再到11、12時已變成「水底餐廳」。
是次黑雨對牛奶冰室造成嚴重的損失，保守推斷，餐廳內部所有電器將要報銷，而且亦要再額外花錢重新裝修餐廳，相信亦是一筆昂貴的費用。另外，從相片可見餐廳雜物全漂浮在水上面，有餐牌、餐具等，亦需要一番心機及時間整理。
網民：今次損失慘重
黃大仙中心水浸情況惡劣，網民都表示擔憂：「成個商場浸咗」、「成間牛奶冰室冇咗」、「最緊要人冇事」、「底層人流多，水流都多」。不過亦有網民指餐廳質素差，因此不可憐其情況：「唔食呢間 ，絕對唔可惜。 貴又唔係好好食」。
