黑雨水浸黃家和被困車中：無端端黑雨，天文台冇提前預警
黃家和在Facebook大吐苦水，指出「無端端黑雨，天文台冇提前預警」，而今早（8/9）在電台中他就分享昨日的經歷，表示與女兒外出後於晚上11點返回南區的住所，此時黃竹坑道傾盆大雨，車輛駛入附近低窪地區後被水淹沒，幸好消防員火速救出兩父女，他形容當時情況，打開車門後雨水迅速湧入，形容「直程好似洪水咁」。
兩父女到海洋公園地鐵站避難
因為深水灣塞車且山泥傾瀉，因此兩父女沒有其他途徑回家，只好涉水步行前往附近的海洋公園地鐵站暫避。直至凌晨1:30，港鐵職員要落閘關閉車站，要求黃家和及一眾乘客離開，不過在黃家和與地鐵職員一番爭論後，最終車站職員容許大家繼續逗留，更派水派餅乾，窩心的舉動令黃家和表示：「值得一讚！」，不過由於整晚滯留在地鐵站內，直到今早9點仍然未回家，因此表示「眼光光飲咗豬肉湯」，而主持人就好奇問，為何不入住海洋公園地鐵站旁邊的酒店，對方回答表示附近的酒店爆滿，又指：「成晚冇瞓覺，虎落平陽被犬欺」。
網民唔同情：率先體驗香港夜繽紛
最近政府籌劃在灣仔海濱舉辦夜市活動，而黃家和亦有份參與計畫。與此同時，有網民翻出過去新聞，發現2018年山竹襲港後，有政黨建議政府立法「停工令」，而當時黃家和在《城市論壇》表示：「得閒過頭、冇野做，得閒就講立法」，除了反對立法草案並表示颱風翌日駕車去公司只比平日多半小時，因此上述報導出街後就要不少網民留言表示：「唔瞓覺去夜市咪啱囉，瞓咗點夜繽紛啊」、「無事喎，係冇交通工具之嘛，政府都未宣布停工，又有咩事呢?」、「率先體驗香港夜繽紛」、「我都體驗夜市，昨晚喺巴士被困淺水灣一晚，感受巴士之旅，到今朝8點先可以慢慢離開」。
